1 Rapajko 1:1 - সান্তালী বাইবেল

¹ Dạud raj doe haṛam idiyena ar umer hõ ạḍi ḍher hoyentaea. Ar ḍher kicricʼkote oyokatere hõ uni do bae lolokʼ kan tahẽkana.

1 Rapajko 1:1 Referans Kwoze

Sereńko 90:10

Aleakʼ bahaokʼ din do eken eae gel bochor, ar ḍher khan do irạlgel bochor hõ hoyokʼa; aleakʼ bahaokʼ din jãhãtinạkʼ dinge hoyokʼ onare do eken duk ar kosṭoge menakʼa; bochor do parom calao godokʼkana ar ale hõle maraokʼkana.

1 Bõsbudạ 23:1

Dạud do tinreye haṛam cabayena unre uniren hopon Solomon do Israel cetanreye rajkadea.

2 Samuel 5:4

Dạud do tinre raje hoyena unre uniyakʼ umer do pegel bochor tahẽkantaea; ar pongel bochor hạbicʼ raje calaokeda.

Genesis 24:1

Abraham do unre ạḍiye haṛam akan tahẽkana ar umer hõ ạḍi ḍher hoyakantae tahẽkana. Probhu Isor do sanam secʼ khongeye bhoraekan tahẽkana.

Genesis 18:11

Unre Abraham ar Sara do aema umer hoyakantạkin tahẽkana ar Sara hõ gidrạ hoyokʼ reakʼ umer do caba akantae tahẽkana.

Luk 1:7

Unkinren do cele gidrạge bako hoyakan tạkin tahẽkana ente Elisabet do bạńjhigeye tahẽkana. Inạ chaḍa unkinakʼ umer hõ ạḍi aema hoyakan tahẽkana.

2 Samuel 24:25

Ona tayom do Probhu Isor ńutumte onḍe mitʼṭecʼ pinḍe benaokeda ar jeredokʼ samaṅokʼakʼ ar sulukren dãṛẽkoe samaṅketʼkoa. Nonkate disạm lạgitʼ koejoṅ hoyen khan Probhu Isor doe ańjomketʼtakoa ar Israel disạmre mahamạri hõ thirena.

1 Rapajko 1:2

Ona iạte uniren kạmiyạko do uniko metadea, “Ale do aleren mạlik maharaj lạgitʼ mitʼṭen kũạri kuṛile sendra ạguyea. Uni do raj ṭhen tahẽkate uniye jotonea. Ar aleren mạlikakʼ hoṛmo hõ jemon lolokʼtae onate uniyakʼ koṛam ṭhene gitijokʼma.”

1 Rapajko 1:15

Unre Bethseba do raj sãote ńapamokʼ lạgitʼ uniyakʼ oṛakʼteye boloyena. Unre raj do ạḍitetʼe haṛam thalakʼ thulukʼ caba akan tahẽkana ar Sunemiạ Abisog do uniye jotonede tahẽkana.

Sosolhayic̕ 4:11

Ona chaḍa bar hoṛ mitʼrekin giticʼlen khan hoṛmo do lolokʼgea, menkhan mitʼ hoṛ do cekate lolokʼtaea.

Josuạ 13:1

Josuạ do umer ḍher idiyente tinreye haṛamena unre Probhu Isor do uniye metadea, “Am dom haṛamena, ar ḍher umer hoyakana menkhan disạm reakʼ ḍher jaega ńithõ menakʼgea one okaṭakʼ do ạuri dokholokʼ.