1 Johan 5:14 - সান্তালী বাইবেল

¹⁴ Isorre aboakʼ khạṭitetʼ do noage, uniyakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

Santali Common Language New Testament

¹⁴ Isorre aboakʼ khạṭitetʼ do noage, uniakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

1 Johan 5:14 Referans Kwoze

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Sereńko 34:17

Okoe dhorom reakʼko kạmikan Probhu Isor do onkoakʼ rakʼe ańjometʼtakoa; ar joto lekan kosṭo khon uni doe rukhiyạyetʼkoa.

Jakob 4:3

Ape dope koeyetʼkanre hõ bape ńameda, ente bạṛicʼ monsubạ iạtepe koeyeda, jemon apeakʼ rij roṅ purạukʼtape.

Johan 9:31

Baḍaegea bon Isor do kại hoṛakʼ katha bae ańjoma. Menkhan jãhãege Isor sewa hoṛe hoyokʼ ar uniyakʼ sanalekae kạmi enḍekhan Isor do uniyakʼe ańjomtaea.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Sereńko 69:33

Probhu Isor do nacarkoakʼ kathae ańjoma; ar uniren hoṛko, okoe do bundi dosare menakʼko, onko do nicạṛ mẽtʼte bae ńelkoa.

Sereńko 31:22

Iń do botorteń menleda, “Am ṭhen khon iń doń begar akana.” Menkhan goṛo ńam lạgitʼ tinreń hohowatʼmea unre am do ińakʼ nehõrrem ańjomketʼtińạ.

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Johan 11:42

Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kol akadińạ mente, ar onatege noa katha doń menkeda.

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Kạhtukko 10:24

Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.