1 Johan 3:23 - সান্তালী বাইবেল

²³ Uniyakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe em oṭoakatʼ bona.

Santali Common Language New Testament

²³ Uniakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe emoṭoakatʼ bona.

1 Johan 3:23 Referans Kwoze

Johan 13:34

Mitʼṭecʼ nãwã hukumiń emape kana dupulạṛpe. Cetʼleka iń do apeń dulạṛ akatʼpe onkage ape hõ dupulạṛpe.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Johan 15:12

Ińakʼ hukum do nõkʼõe, cetʼlekań dulạṛakatʼpe onkage ape hõ dupulạṛpe.

Johan 6:29

Jisui metatʼkoa, “Isor okoeye kolakade unire pạtiạukʼge hoyokʼ kana Isorakʼ kạmi.”

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.

1 Johan 3:11

Okaṭakʼ katha pạhil khonpe ańjom ạguakatʼ ona do noage, abo mimitʼko jemon bon dupulạṛ.

1 Johan 4:21

Uni ṭhen khon noa hukum bon ńam akada, okoe Isorko dulạṛ edekan onko do boehako hõ jemonko dulạṛko.

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼtińạ, ente Isorge ape mimitʼko dupulạṛokʼe cetʼ akawatʼpea.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Mark 9:7

Ar ona jokhecʼ mitʼṭecʼ rimil do rakapʼ hecʼente onkoe umul esetʼketʼkoa, ar ona rimil khon noa katha ańjomena, “Nuige ińren dulạṛiạ Hopon, uniyakʼ ańjomtaepe.”

Mathae 22:39

Ona tayom dosarakʼ do; ‘am aḍepaseren hoṛ apnar leka dulạṛem.’

Aposkạmi 16:31

Adokin metadea, “Am ar amakʼ gharońjrenko Probhu Jisure pạtiạukʼpe, enḍekhan kại khon bańcaope ńama.”

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

Johan 1:12

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ạidạriye ematʼkoa.

Johan 2:23

Ado bańcaokʼ porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena.

Johan 3:18

Okoe uni Hoponreye pạtiạukʼ uniyakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

1 Johan 2:7

E dulạṛiạ hoponińko, ape ṭhen jãhãn nãwã hukum reakʼ katha do bạń oleda, bickom pạhil khonge okaṭakʼ hukum tahẽkan ona mare hukum reakʼ kathageń oleda. Ar okaṭakʼ katha lahatepe ańjomakatʼ ona kangea ona mareakʼ hukum do.

1 Johan 4:15

Ar jãhãege Jisu do Isorren Hopon kanae menteye aṅgoce, Isor do unireye tahena ar uni hõ Isorreye tahenkana.

1 Johan 5:13

Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.