1 Johan 1:9 - সান্তালী বাইবেল

⁹ Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Santali Common Language New Testament

⁹ Abo do aboakʼ kạiko bon aṅgocle khan, enḍekhan uni do unrege kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

1 Johan 1:9 Referans Kwoze

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jirimiạ 33:8

Ar iń upạrte okako kại akatʼ ona khoniń saphakoa ar iń upạrteko kạmi akatʼ onkoakʼ sanam bedhoromakʼ ar hulko hõń ikạitakoa.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Ibriko 10:23

Biswạs lekate aboakʼ oka as menakʼ, onate dela, kajakte uniyakʼ katha bon aṅgoc ma, ente okoeye gokʼ akatʼ uni doe pạtiạrgea.

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

Nehemiạ 1:6

E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

Jeheskel 37:23

Onkoren sanam boṅga murhutʼkote se jãhãn behokakʼte onko do apnartetʼ ar bako bhonḍokʼa. Iń do onkoakʼ sanam kại ar bạṛicʼ hor khoniń rukhiyạkoa ariń saphakoa. Onko do ińren hoṛko hoyokʼa ar iń do onkoren Isoriń hoyokʼa.

1 Korinthiko 1:9

Isor doe pạtiạrgea, ar unige ape doe hohoakatʼpea jemon uniren Hopon aboren Probhu Jisu Mạsi ar ape talare helmel tahen.

Dosar Biboron 7:9

Onate baḍae dohokakʼpe, aperen Probhu kangea Isor do. Uni doe pạtiạrangea; okoe uniko dulạṛe ar uniyakʼ hukumko manao onko lạgitʼ uni okae bondobos akatʼ ona do hajar piṛhi hạbicʼe rukhiyạyea ar onkoe dulạṛkoa.

Aposkạmi 19:18

Ar okoe do Probhu Jisureko pạtiạu akan tahẽkan nonka ḍher hoṛge hecʼkate akoakʼ bạṛicʼ kạmi reaṅ sodorteko aṅgockeda.

Mark 1:5

Onate Jihudạ disạm ar Jerusalem nagraharen sanam hoṛko do oḍok hecʼente Johan ṭhen hijukʼko ehopʼena. Ar tinre onko do akoakʼ kạikoko aṅgocketʼa unre Johan do Jordan gaḍareye bạptisketʼkoa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Rak̕joṅ 3:23

Din hilokʼ setakʼ jokhecʼ ona do nãwã arokʼkana; uniyakʼ pạtiạr do maraṅgetaea.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

1 Rapajko 8:47

unre ona disạmre akoakʼ monko ạcurtako arko kastaokʼte nehõrokʼteko men, ‘ale dole kại akada, arle behok akada ar bạṛicʼ hortele taṛam akada,’ enḍekhan onkoakʼ koejoṅ ańjomtakome.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Ibriko 11:11

Sara do gidrạ hoyokʼ reakʼ umer parom calaolentaere hõ biswạs iạtegeye bhạrti hoṛmolena, ente uni do biswạs tahẽkantaea, okoeye gokʼakawade uni doe pạtiạrgea mente.

Mathae 3:6

Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

Romiko lạgitʼ Pạul Apostolakʼ ciṭhi 3:26

Onate ńitokʼ sạbudokʼ kana je, acʼ cetʼlekae dhoromge onkage Jisure pạtiạukʼicʼ hõ dhorom menteye ataṅea.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Exodus 34:7

Uniyakʼ asambheṛ daya do hajar piṛhi hạbicʼ tahenkana. Uni do behokakʼ, hul ar kạikoe ikạyetʼ kana, menkhan dusiyicʼ doe sạjạiyedea. Uni do apatakʼ ghạṭko onkoren hoponko ṭhen pe pon piṛhi hạbicʼe pańja halayetʼ kana.”

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Johan 17:25

E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Luk 22:57

Menkhan Patras do baṅketʼteye menkeda, “Uni do bạń oromakadea.”