1 Johan 1:2 - সান্তালী বাইবেল

² Ona jion doe sodorlena. Ale do unile ńelakadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.

Santali Common Language New Testament

² Ona jion doe sodorlena. Ale do unile ńṭoṭhadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.

1 Johan 1:2 Referans Kwoze

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Johan 1:4

Onare jion tahẽkana ar ona jionge manwakoakʼ marsal tahẽkana.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

1 Johan 5:11

Ona goha do noage, Isor do jaejug jione emakatʼbona ar ona jion do acʼren Hoponre menakʼa.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

1 Johan 3:5

Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.

2Timothi 1:10

Menkhan ńitokʼ aboren babańcaoicʼ Jisu Mạsi do noa dhạrtiteye hecʼente ona dayaye sodorakada. Mạsi do morone bhagao akada ar bhage sombat hotete bin maraokʼ jion reakʼ kathae sodorakada.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Johan 15:27

Ape hõ iń reaṅ gohape ema, ente pạhil khonge ape do iń são sãote menakʼpea.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Aposkạmi 10:41

Menkhan sanamko do bako ńelledea, eken okoe gohako Isor do lahareye bachao dohoakatʼko tahẽkan onkogeko ńelledea, metakʼme gocʼko khon jiwetʼ beretʼ tayom ale do uni sãotele jom-ńũleda ar alege unile ńelledea.

Aposkạmi 5:32

Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Johan 21:14

Jisu do gocʼko khon beretʼ ruạṛ tayom tesar dhao acʼren celako ṭhene ńel ocoyena.

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Johan 16:28

Sạrige iń do Baba ṭhen khon noa dhạrtiteń hecʼakana, arhõ noa dhạrti bạgikate Baba ṭhengeń calakʼ kana.”

Johan 8:38

Iń do ińren Baba ṭhen okań ńelakatʼ onageń roṛeda, ar ape do aperen baba ṭhen khon okape ańjomakatʼ onagepe kạmikana.”

Johan 7:29

Uni do bape baḍae akadea menkhan iń doń baḍae akadea, ente iń do uni ṭhen khongeń hecʼakana ar unige iń doe kolakadińạ.”

Johan 3:13

Sermare okoeye tahenkan ar serma khon okoeye hecʼakan uni Manwa Hopon chaḍa ar okoe hõ sermate do bako rakapʼ akana.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

1 Johan 1:1

Okoe pạhil khongeye tahẽkan, ar okoeyakʼ moca reakʼ kathale ańjom akatʼ, okoe nij mẽtʼtele ńel akade, okoe do mońj okocʼtele ạri bạndhi akade, okoe do nij titele joṭetʼ akade, ona jion reakʼ kathage nonḍeń oleda.

Johan 10:28

Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Johan 19:35

Okoe nij mẽtʼte noakoe ńelletʼ unige gohae emakada, ar uniyakʼ goha do sạrigea. Uni doe baḍaegea, acʼ okae roṛetʼ ona do sạrigea, ar ape hõ jemonpe pạtiạukʼ.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

1 Johan 4:2

Isorren Jiu do nonkatepe orom daṛeakoa, okoe Jiu do Jisu Mạsi manwa lekateye hecʼlena menteye aṅgoce uni Jiuge Isor khon hecʼ akanicʼ do;

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.

1 Johan 5:13

Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.