1 Bõsbudạ 9:1 - সান্তালী বাইবেল

¹ “Israelren rapajkoakʼ puthire sanam Israelkoakʼ bõsbudạ do ol akana. Jihudạren hoṛkoakʼ bepạtiạu iạte onko do Babelteko bundi idiocolena.

1 Bõsbudạ 9:1 Referans Kwoze

Nehemiạ 7:5

Isor do ińakʼ monreye hudis ocokedińạ jemon manotan hoṛko, mukhiyạko ar disạm hoṛkoń jarwa mitʼ ocokote onko do bõs tạlikareń caṛhao daṛeako. Okoe do pạhilreko ruạṛ hecʼlen onko hoṛkoakʼ bõs tạlika doń ńamkeda. Onare oka ol tahẽkan ona do nonka leka:

Esra 2:59

Tel-Melah, Tel-harsa, Kerub, Adan ar Emer ṭoṭha khon okoeko hecʼlen tahẽkan onko do Israel mente bako sabud daṛeada.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Jirimiạ 39:9

Ar rurukhiyạ dolren subedar Nebusaradan do unre okoeko nagraharegeko tahẽkan, ar okoe do Babel secʼrenko hoyen ar okoe do disạmre sarecʼko tahẽyen onko bondikate Babelteye idiketʼkoa.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

1 Bõsbudạ 8:40

Ulomer hoponko do lạṛhại birko tahẽkana. Noko do akʼsarko beoharetʼ tahẽkana. Onkoren do ạḍi utạr hopon ar goṛomtetʼ hoponkoko tahẽkana. Onkoakʼ lekha do mitʼsae mõṛẽgel hoṛko tahẽkana.

1 Rapajko 14:19

Jerobiamakʼ eṭakʼ eṭakʼ kạmi, uniyakʼ lạṛhạiko ar rajokʼ reakʼ katha do “Israel rajkoakʼ Itihãs” ńutumanakʼ puthire olakana.

2 Rapajko 24:14

Ona chaḍa Jerusalemren sanamko, metakʼme sanam gutiko ar lạṛhại birko, sanam kạrigolko ar kamarko jotote uni do gel hajar hoṛe bondi idiketʼkoa. Disạmren reṅgecʼ hoṛ chaḍa ar celege bako sarecʼ lena.

2 Rapajko 24:15

Nebukadenesar do bondi lekate Babelte Jehoyakine idi akade tahẽkana. Uni do Jerusalem khon rajren eṅgattetʼ, uniren bạhuttetʼ, uniren kạmiyạko ar disạmren lekman hoṛko hõ bondikateye idiketʼkoa.

2 Rapajko 24:16

Uni do lạṛhại lạgitʼ lek lekan ar daṛean eae hajar lạṛhại birko ar mitʼ hajar kạrigolko bondikate Babelteye idiketʼkoa.

Esra 2:1

Babelren raj Nebukadnesar do okoeko hoṛ bondikate Babelteye idiletʼko onko modren ḍherkoge Jerusalem ar Jihudạre apan ạpin nagraha ar atoteko ruạṛ hecʼena.

Nehemiạ 11:1

Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

Jesaea 3:2

Ona chaḍa uni do birbao hoṛ ar lạṛhại sipạhiko, disạm cakʼlaoko ar nạbiko, gonokko ar murubbiko,

Jirimiạ 13:19

Negeb reakʼ nagrahakote bolokʼ reakʼ hor do bondokʼa ar onḍe do okoehõ bako bolo daṛeakʼa. Jihudạren sanam hoṛ do bondikateko idi ocokʼa, ar sanamgeko idi ocokʼa.’ ”