1 Bõsbudạ 7:29 - সান্তালী বাইবেল

²⁹ Manasi reakʼ simạ hạbicʼ Beth-san, Tanok, Mogiddo, Dor ar niạko beṛhaeteakʼ joto atoko do onkoakʼ tahẽkana. Israelren hopon Josephren bõsko do niạ nagraha ar atokoreko girobasokʼ kan tahẽkana.

1 Bõsbudạ 7:29 Referans Kwoze

Johan sodor 16:16

Ibri pạrsite oka jaega reakʼ ńutum do Harmagedonko metakʼkan, bạṛicʼ jiuko do onko rapajko onḍeko jarwaketʼkoa.

Sakariạ 12:11

Enhilokʼ Jerusalemre ạḍitetʼ homor halaṅ hoyokʼa cetʼleka Megido ṭạnḍire Haddad Rimonre hoylen.

2 Bõsbudạ 35:22

Josiạ do bae ruạṛlena, bickom uni sãote lạṛhại lạgitʼ eṭakʼ kicricʼ horokʼkateye sapṛaoena. Isorakʼ hukumte Neko okae metade ona do bae luturatʼte Megido reakʼ bilạn ṭạnḍire uni upạrte lạṛhại lạgitʼe oḍok senena.

2 Rapajko 23:29

Josiạwakʼ rajokʼ oktere Misorren Pharao raj Neko do Asurren raj goṛowae lạgitʼ phurạt gaḍa secʼe senena. Unre Josiạ hõ uni teṅgo darame lạgitʼe oḍok calaoena, menkhan Pharao Neko do uni tulucʼe lạṛhạiyente Josiạ do Megidoreye gocʼocoyena.

2 Rapajko 9:27

Ar okaṭakʼ hoyen ona ńelte Jihudạren Ahasiạ raj do Beth-Hagan reakʼ horteye dạṛkeda. Jihu do uniye khudạu idikedete ãṭ aṛaṅteye menkeda, “Uni hõ gojepe.” Unre hoṛko do Ibleam ṭhen Gur ńutumanakʼ rakabokʼ horre Ahasiạ do acʼakʼ rãt gạḍiregeko ghạlkedea, menkhan uni do Megidatteye dạṛkeda ar onḍegeye gocʼena.

1 Rapajko 9:15

Solomon raj do Probhu Isorakʼ oṛakʼ, acʼakʼ raj dolan, Milo, Jerusalem reakʼ pạcri, Hasor, Megido ar Geser benao lạgitʼ ạḍi utạr hoṛko kạmireye jormoṭketʼkoa.

1 Rapajko 4:12

Tanakre, Megidore ar Sorethan ṭhen ar Jesreyel dạkhin reakʼ Bet-San nagraha khon Abel Mehola ar Jokmea hạbicʼ Bet-San reakʼ sanam ṭoṭhare do Ahiludren hopon Bana cetanre tahẽkana.

1 Samuel 31:10

Ona tayom Sạulakʼ khanḍa bhanḍa hataokate Astarot reakʼ mundilreko dohokada ar uniyakʼ hoṛmo do Betsan nagraha reakʼ bhitreko akakada.

Bikʼcạrko 5:19

Rapajkoko hecʼena arko lạṛhạiyena, unre Kananren raj doko lạṛhạiyena; Tanak ṭhen, Megido reakʼ dakʼko ṭhenge, menkhan mitʼ kuṭrạ rupạ hõ bako luṭana.