1 Bõsbudạ 6:32 - সান্তালী বাইবেল

³² Solomon do Jerusalemre Probhu Isorakʼ oṛakʼ ạuriye benao hạbicʼ onko hoṛko do ḍera tạmbu samaṅre, metakʼme ńapamokʼ tạmbu samaṅrege sereń durạṅate Probhu Isorko sewawae kan tahẽkana. Onko lạgitʼ okaṭakʼ niạm ṭhik doho akan tahẽkana ona lekage onko doko kạmikan tahẽkana.

1 Bõsbudạ 6:32 Referans Kwoze

Esra 6:18

Moseyakʼ puthire cetʼleka olakan onkage Jerusalemre Isorakʼ sewa kạmi lạgitʼ naekeko ar liwiko do judạ judạ dolreko bahal ocoyena.

2 Bõsbudạ 35:15

Dạud, Ashap, Heman ar rajren ńeńelicʼ Jeduthun tekoakʼ hukum leka Ashap bõsren sekʼreńko ar bajnadarko do apan ạpin jaegareko tahẽkana. Ar mitʼke mitʼ phaṭok duạrre do rurukhiyạkoko tahẽkana. Onko do kạmi bạgi oṭowakʼ jạruṛge baṅ hoylentakoa, ente onkoren Liwi boehako do onko lạgitʼko bebosta akatʼ tahẽkana.

2 Bõsbudạ 31:2

Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.

1 Bõsbudạ 9:33

Liwi gusṭiren bõs mukhiyạko okoe do sereń durạṅreko tahẽkan onko do koejoṅ oṛakʼ reakʼ kandhareko tahẽnkan tahẽkana. Onko do sereń durạṅre siń nindạ bestoko tahenkan tahẽkante onko cetanre eṭakʼ jãhãn kạmi reakʼ bhar do baṅ tahẽkana.

1 Bõsbudạ 6:10

Johananren hopon Asariạ. Uni do Jerusalemre Solomone benaoletʼ mundilre naeke reakʼe kạmiyetʼ tahẽkana.

1 Bõsbudạ 6:31

Goha sinduk Probhu Isorakʼ oṛakʼre ạguyen tayom Dạud do thoṛa hoṛko cetanre sereń reakʼ bhare ematʼkoa.

1 Bõsbudạ 6:33

Niạ sewa kạmire okoe hoṛko ar onkoren okoeko bõskoko bahal ocolen onko doko hoyokʼkana: Kohatrenko modre do gaenaha Hemone tahẽkana. Hemon do Joelren hopone tahẽkana, ar Joel do Samuelren hopon,

Jeheskel 40:44

Bhitri raca talare phaṭok duạr aṛere sekʼreńko lạgitʼ pe secʼ jhicʼge kandha tahẽkana; barea do utạr phaṭok aṛere dạkhin duạr ar mitʼṭecʼ do purub phaṭok aṛere utạr duạr.