1 Bõsbudạ 5:20 - সান্তালী বাইবেল

²⁰ Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

1 Bõsbudạ 5:20 Referans Kwoze

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

2 Bõsbudạ 18:31

Rãt gạḍiren subedarko do Jehosaphat ńelteko hudiskeda, uni kangeae Israelkoren raj do. Onate onko do ạcurente uni akromone lạgitʼko senena menkhan Jehosaphat doe kikiạu gotʼkeda, unre Probhu Isor do uniye goṛowadea ar onate onko do uni ṭhen khonko calaoena.

1 Bõsbudạ 5:22

Ona chaḍa ḍher bạiriko gocʼena, ente Isorakʼ ạyurtege noa lạṛhại do hoylena. Ar Israelko ạuriko bondi idi ocokʼ hạbicʼ onḍegeko girobasokʼ kan tahẽkana.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Josuạ 10:14

Inạ laha se tayom nonkan din do ar tishõ bań hoyakana Probhu Isor do manwakoakʼ katha nonkae dohoakada mente. Enhilokʼ Probhu Isor do Israelko huyạteye lạṛhạilena.

Nạhum 1:7

Probhu Isor doe bhagegea, ar gạr hilokʼren doe aotan gaṛ kana. Ar acʼre okoeko hirlạkʼkan onko doe baḍaeyetʼkogea.

1 Rapajko 22:32

Onko rãt gạḍiren subedarko do Jehosaphat ńelteko hudiskeda, uni kangeae Israelkoren raj do. Onate onko do ạcurente uni akromone lạgitʼko senen khan Jehosaphat doe kikiạu gotʼkeda.

1 Samuel 19:15

Noa khobor ańjomkate Sạul do Dạud ńel ạguiye lạgitʼ onkoge arhõe kol dohṛaketʼkoteye metatʼkoa, “Aṭetʼ sudhạ Dạudpe kuṭuṅ ạguiyea; ar iń do uniń gojea.”

Exodus 17:11

Ar lạṛhại jokhecʼ Mose do tin hạbicʼ acʼakʼ tiye tul dohokakʼkan tahẽkan unhạbicʼ Israelkoko jitạukʼkan tahẽkana; Arhõ tinre tiye pheḍetʼtae tahẽkana unre do Amalekikoko jitạukʼkan tahẽkana.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

1 Bõsbudạ 5:21

Onko do Hagariạkoren mõṛẽgel hajar ũṭ, bar lakh tala bhiḍi ar bar hajar gadhako luṭjoṅana ar mitʼ lakh hoṛko bondi idiketʼkoa.

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

Esra 8:23

Onate ale dole upạskeda ar niạ reaṅ aleren Isor ṭhenle nehõrena, ar uni do aleakʼ koejoṅe ańjomketʼtalea.

Sereńko 37:40

Probhu Isorge onko doe goṛowakoa are rukhiyạkoa; bạṛicʼkoakʼ ti khon unige onkoe bańcaokoa, ar unige onko doe rukhiyạkoa, ente onko do unirege asrayko hatao akada.

Daniel 6:23

Unre raj do ạḍiye kusiyena ar ona khandṛaṅ khon Daniel rakabe lạgitʼe hukumkeda. Daniele rakapʼ ocoyen khan uniyakʼ hoṛmore ghạl reakʼ jãhãn cinhạge baṅ ńellena, ente uni do acʼren Isor cetanre bhorsa akane tahẽkana.

Genesis 49:19

“Gad do lạṛhại phạdko ṭhene cipạ ocokʼa, menkhan uni do acʼ hõ onkoe cipạkoa.

Josuạ 23:10

Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.

2 Bõsbudạ 13:18

Nonkate Israelren hoṛko doko bhagao ocoyena, ar Jihudạren hoṛ doko jitạuena, ente onko do akoren hapṛamkoren Probhu Isor cetanreko bhorsalena.

2 Bõsbudạ 26:7

Isor do Philisṭiko, Gurbakʼalre girobasokʼ kan Arabrenko ar Meuniko upạrteye goṛowadea.

Sereńko 37:39

Isor botoraeko reakʼ bańcaokʼ do Probhu Isor khonge hijukʼa; muhinre unige onkoren bhorsa doe hoyokʼa.

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Jirimiạ 39:18

Iń do khạṭige amiń rukhiyạmea; ar bam gocʼ ocokʼa, bickom jãhãlekatege amakʼ jiwim rukhiyạitama, ente am do ińrem bhorsa akana. Iń Probhu Isorge noa katha doń meneda.’ ”