1 Bõsbudạ 5:2 - সান্তালী বাইবেল

² Arhõ boeharen gusṭiko modre Jihudạ gusṭikoren do joto khon daṛeanko tahẽkana ar uniyakʼ gusṭi khonge mukhiyại bachao ocolenrehõ maraṅicʼ hopon reakʼ ạidạri do Josephgeye ńamleda.

1 Bõsbudạ 5:2 Referans Kwoze

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Ibriko 7:14

Noa do pusṭạugea je, aboren Probhu Isor do Jihudạ bõs khone hecʼlena. Ar noa bõs khon jãhãe mitʼ hoṛ naekeye hoyokʼa ona katha Mose do tishõ bae menletʼ tahẽkana.

Sereńko 60:7

Gilead do ińakʼ kana, ar Manase hõ ińakʼge; Ar Ephrayim do ińakʼ bohokʼ aḍokʼakʼ kana, Jihudạ do ińakʼ rajosṭi reakʼ ṭheṅga kana.

Sereńko 108:8

Gilead do ińakʼ kana, ar Manase hõ ińakʼge; Ar Ephrayim do ińakʼ bohokʼ reakʼ ṭupri kana, ar Jihudạ do ińakʼ rajosṭi reakʼ ṭheṅga kana.

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

1 Samuel 16:12

Onate Jisại do hoṛ kolkate acʼren huḍiń utạricʼ hopone hoho ạgukedea. Uni do juruṅ juruṅ arakʼgeye tahẽkana ar ńelokʼte hõ mońj ar mẽtʼkin hõ ạḍi napae tahẽkantaea. Unre Probhu Isor doe menkeda, “Nui kangeae uni do, am do unige ojokʼ bahalem.”

1 Samuel 16:10

Nonkate Jisại do acʼren eae goṭen hoponko Sạmuel samaṅteye taṛam ocoketʼkoa, menkhan Sạmuel do Jisạiye metadea, “Probhu Isor do noko modren okoe hõ bae bachao akawana.”

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

Bikʼcạrko 1:2

Probhu Isor do roṛ ruạṛatʼkoteye metatʼkoa, “Pạhilre Jihudạ gusṭiren hoṛko oḍok calakʼma; onkoakʼ tirege disạm doń jimạ akada.”

Josuạ 14:6

Jihudạ gusṭiren hoṛko do Gilgalte Josuạ ṭhenko senena ar Kenisi Jephunren hopon Kaleb do uniye metadea, “Probhu Isor do Kades-Barneare acʼren hoṛ Mose ṭhen iń ar am reaṅ okae menletʼ ona dom baḍaegea.

Numeri 7:12

Pạhil hilokʼ okoeṭakʼ mukhiyạ acʼakʼ sandese ạguketʼ uni doe hoyokʼ kana Jihudạ gusṭiren matha Aminadabren hopon Nahason.

Numeri 2:3

“Jihudạ dol reakʼ nisạnren hoṛ do ńapamokʼ tạmbu reakʼ purub secʼreko ḍerakʼma. Jihudạ gusṭiren mukhiyạ doe hoyokʼkana: Aminadab hopon Nahason ar uniren hoṛ doko hoyokʼ kana eaegel pon hajar turuisae hoṛ.

Genesis 49:26

Amren babawakʼ ńamakʼ bhor do uniren hapṛamkoakʼ bhor khon phaelaogea; ona do jaejug reakʼ buru hạbicʼ seṭer akana. Ona ạsirbad do Josephakʼ bohokʼre paṛaokʼma; uniyakʼ bohokʼrege paṛaokʼma ente uni do acʼren boehako khone maraṅgea.

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Genesis 25:31

Jakobe menkeda, “Maraṅicʼ hopon lekate amakʼ okaṭakʼ ạidạri menakʼ ona teheń iń ṭhen ạkhrińme.”

Genesis 48:5

Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

1 Bõsbudạ 28:4

“Enhõ Israelren Probhu Isor do jaejug Israelko cetanre raj hoyokʼ lạgitʼ ińakʼ goṭa gharońjrenko tala khon ińe bachao ledińa. Uni do mukhiyạ lekate Jihudại bachaoledea, ona tayom Jihudạ khũṭrenko khon iń babawakʼ khũṭe bachaoana ar Israelko cetanre raj hoyokʼ lạgitʼ uniyakʼ kusi lekate ińren boehako tala khon ińgeye bachaoledeńa.

Dosar Biboron 21:17

Ar bạhu bae dulạṛedekanren hoponge acʼakʼ sompotti reakʼ eṭakʼ hopon khon bar doboṛ emkate unige pạhilicʼ hopon mente aṅgoce hoyokʼtaea. Ente uni hoponkangeae apattetʼakʼ daṛe reakʼ pạhilicʼ jo do. Ar pạhil hopon reakʼ ạidạri do unigeye ńama.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”