1 Bõsbudạ 4:21 - সান্তালী বাইবেল

^21-22 Jihudạren hopon Selawakʼ bõsren hoṛ modreko tahẽkana Er, Lada, Beth-asbeyer okoe do mihi musnạ kicricʼko tińetʼkan tahẽkan onkoren sanam bõsko, Jokim ar Kosebarren hoṛko, Joas, Saroph ar Jasu Bilhom Selar hopon Er do Leka atoye benao rakapʼleda ar Lada do Maresha atoye benaoleda. Joas ar Saroph do Moabren disạm cakʼlaokin tahẽkana. Niạko do mare dinko reakʼ tạlika tahẽkana.

1 Bõsbudạ 4:21 Referans Kwoze

Genesis 38:5

Ona tayom uni do arhõe bhạrti hoṛmoyena ar uniren do arhõ mitʼṭen koṛa gidrại janamena. Ar uniyakʼ ńutum do Selae dohoketʼtaea. Nui gidrại janamokʼ jokhecʼ onko do Kesib atoreko tahẽkana.

1 Bõsbudạ 2:3

Jihudạren hoponko doko hoyokʼkana Onan, Er, Sela. Noko pe hoṛ do Batsuawakʼ kukhiren hoponko tahẽkana. Bathsua do mitʼṭen Kanani maejiue tahẽkana. Niạ ńutuman Jihudạren maraṅicʼ hopon do Probhu Isorakʼ mẽtʼre bạṛicʼ hoṛe tahẽkante uni doe gocʼledea.

Genesis 46:12

Jihudạren hoponko do Er, Onan, Selah, Peres ar Serah. Er ar Onan do Kanan disạmregekin gocʼena. Peresren hoponkin do Hesron ar Hamul.

Nehemiạ 11:5

Barukren hapṛamko doko tahẽkana Kolhose, Hosae, Adaya, Joyarib, Sekaria ar Siloni.

1 Bõsbudạ 9:5

Jihudạren hopon Sela bõsren Asai ar uniren hoponko. Asai do acʼ apatren maraṅicʼ hopone tahẽkana.

1 Bõsbudạ 4:20

Simonren hoponko doko hoyokʼkana Amon, Rinn, Bin-hanon ar Tilon. Jisiren hopon dokin hoyokʼkana Sohet ar Bin-sohet.

Jesaea 19:9

Ar okoe do mĩhĩ mushnạ sutạmko benaoetʼkan ar okoe do mĩhĩ kicricʼko tearetʼkan onko doko as chuṭạukʼa.