1 Bõsbudạ 3:14 - সান্তালী বাইবেল

¹⁴ Manasiren hopon Amon ar Amonren hopon Josiạ.

1 Bõsbudạ 3:14 Referans Kwoze

2 Rapajko 23:30

Josiạren lạṛhại phạdko do rãt gạḍire uniyakʼ mạ̃ṛĩko ladeketʼte Megido khon Jerusalemteko ạgukeda ar uniye ṭhik dohoakatʼ topareko baekadea. Tayomte disạmren hoṛko do uniren hopon Jehoahasko ojokʼ bahalkedete uniren apatakʼ jaegareko rajkedea.

2 Bõsbudạ 34:1

Josiạ do irạl bochor umerre raje hoylena ar pe gel mitʼ bochor Jerusalemre raje calaokeda.

2 Rapajko 21:19

Amon do bargel bar bochor umerre raje hoylena. Ar Jerusalemre bar bochor raje calaoketʼa. Uniren eṅgatakʼ ńutum do Mesulemet tahẽkana; uni do Jotba atoren Harusren hoponerae tahẽkana.

Jirimiạ 22:18

Onatege Probhu Isor do Jihudạ raj Josiạren hopon Jehoyakim reaṅe meneda, “Uni lạgitʼ do okoehõ bae ‘hae haeyokʼa.’ Hoṛko do uni lạgitʼ ‘hae ińren kisạ̃ṛ! Hae uniyakʼ ṭhonok,’ onka do bako homor halaṅa.

Jirimiạ 22:11

Uni doe hoyokʼ kana Josiạ hopon Salum, okoe do acʼren apat tayom Jihudạren raje hoylena menkhan uni do noa ṭhạ̃i bạgikateye calaoena. Probhu Isor do uni reaṅe meneda, “Uni do tishõ ar bae ruạṛ hijukʼa.

2 Bõsbudạ 36:11

Sedekiạ do bargel mitʼ bochor umerre raje hoylena ar Jerusalemre gelmitʼ bochor raje calaokeda.

2 Bõsbudạ 36:5

Jehoyakim do bargel mõṛẽ bochor umerre raje hoyena ar gelmitʼ bochor Jerusalemre raje calaokeda. Uni do acʼren Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.

2 Bõsbudạ 36:1

Tayomte disạmren hoṛko do Josiạwakʼ jaegare uniren hopon Jehoahasko rajkedea.

2 Rapajko 23:34

Ar Josiạren eṭagicʼ hopon Eliakim do uniren apat Josiạ bodolteye rajkedea ar Eliakimakʼ ńutume bodolketʼte Jehoyakime dohoketʼtaea. Pharao Neko do Jehoahas Misorteye idikedea, ar Jehoahas do onḍegeye gocʼena.

2 Rapajko 21:26

Ar Usakʼ bagwanre acʼ lạgitʼ ṭhik dohowakatʼ topare uni doko topakadea. Ar uniyakʼ jaegare uniren hopon Josiạ do raje hoyena.

1 Bõsbudạ 3:13

Jothamren hopon Ahos, Ahosren hopon Hiskiạ, Hiskiạren hopon Manasi,

1 Bõsbudạ 3:15

Josiạren pạhilicʼ hopon do Johanan, dosaricʼ do Jihowakim, tesaricʼ do Sidikiạ, ponicʼ do Solum.

2 Rapajko 21:18

Tayomte Manase do acʼren hapṛamko ṭhene senena ar uni do raj oṛakʼ reakʼ bagwanre, metakʼme Usakʼ bagwanreko topakadea. Ar uniyakʼ jaegare uniren hopon Amon do raje hoyena.