1 Bõsbudạ 29:6 - সান্তালী বাইবেল

⁶ Unre Israelren khũṭkoren mukhiyạko, judạ judạ khũṭkoren mukhiyạko, hajar lạṛhại phạdko ar sae lạṛhại phạdko ar rajakʼ kạmi reakʼ ńel todarotko do kusiteko dankeda.

1 Bõsbudạ 29:6 Referans Kwoze

2 Korinthiko 9:7

Mimitʼ hoṛko monre okaṭakʼko goṭa akatʼ ona lekageko emokʼma; okoe hõ mon dukkate aloe emokʼma, ente kharsala monte emokʼkạnicʼge Isor doe dulạṛea.

1 Bõsbudạ 27:25

Rajakʼ khajańciko ńel todarot reakʼ bhar do Adiyel hopon Asmawet cetanre tahẽkana. Ar khet-baṛge, atoko, nagrahako ar usul horho oṛakʼkore okako khajańci oṛakʼ tahẽkana onako reakʼ bhar do Usiạ hopon Jonathan cetanre tahẽkana.

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.

Esra 7:16

Ona chaḍa okako sona ar rupạ Babel disạm khonem ńam ar Israelko ar onkoren naekeko Jerusalemre onkoren Isorakʼ oṛakʼ lạgitʼ akoakʼ kusite okako em ona jotogem iditoraea.

2 Rapajko 12:5

Ar mimitʼ naekeko do akoren hoṛko ṭhen khon ṭaka poesa hataokate koejoṅ oṛakʼ jut aroe kạmire ona jemonko beohar ma.”

2 Bõsbudạ 35:8

Rajren kạmiyạko hõ apan ạpin kusileka disomren hoṛko, naekeko ar Liwiko ńutumteko danketʼkoa. Hilkiạ, Sakariạ ar Jehiyel ńutuman Isorakʼ oṛakʼren mukhiyạko do bańcaokʼ porob reakʼ samaṅokʼakʼ lạgitʼ bar hajar turui sae merom ar bhiḍiko ar pe sae ḍaṅgrako naekekoko ematʼkoa.