1 Bõsbudạ 29:2 - সান্তালী বাইবেল

² Ińakʼ ektiạri lekate iń do ińren Isorakʼ oṛakʼ lạgitʼ noakoń jogaṛ dohoakada, sona reakʼ jinisko lạgitʼ do sona, rupạ reakʼ jinisko lạgitʼ do rupạ, pitạl reakʼ jinisko lạgitʼ do pitạl, mẽṛhẽtʼ jinisko lạgitʼ mẽṛhẽtʼ ar kaṭ reakʼ jinisko lạgitʼ do kaṭ. Ona chaḍa boidurjomoni, bạisạu lạgitʼ eṭakʼ eṭakʼ mạnik dhiriko, cikmik dhiriko, nana parkan roṅ reakʼ dhiriko ar sanam lekanakʼ damanakʼ dhirikoń dohoakada ar ḍher kańc dhiriko hõń dohoakada.

1 Bõsbudạ 29:2 Referans Kwoze

Kolossiko lạgitʼ Pạul Apostolakʼ ciṭhi 3:23

Jãhãnakʼgepe cekae, manwako lạgitʼ do alo, bickom Probhu Isor lạgitʼpe onkayetʼte mon ar ontorte kạmipe,

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

2 Korinthiko 8:3

Iń do onko lạgitʼ noa gohań emeda je, onko do daṛeakʼ bhor, hẽ daṛeakʼ khon hõ bạ̃ṛtige apnar kusi lekako danletʼ tahẽkana.

Jobakʼ 28:16

Ophir sonate hõ ona do ohoge kirińlena, Boidurjo mạnik ar nilkanto mạniktehõ ona do baṅ kirińokʼa.

Exodus 39:13

ar ponakʼ sạrre do gomedok, boidurjo ar surjokanto moni. Ar mạnik dhiriko galaṅ paṭetʼ akatʼ sona cetanrege bạisạu hoyena.

Exodus 39:6

Ar boidurjo mạnik dhirikin do sona galaṅakʼte hạṛupʼ ạcurakʼko tearkeda, onko do chahapakʼ reakʼ rokʼ caṛhao kạmiyakʼ lekageko rokʼkeda, Israel hoponko reakʼ ńutum lekate. Ar onakin do ephod reakʼ taren kicricʼkinreye lagaokeda, Israelren hoponko reaṅ dikʼsạ mạnik menkate Probhu Isor Moseye hukum akawade tahẽkan leka.

Exodus 28:20

ar ponakʼ sạrre do gomedok, boidurjo ar surjokanto moni. Ar mạnik dhiriko do galaṅ paṭetʼ akatʼ sona cetanrege bạisạu dohoy hoyokʼa.

Exodus 28:17

Noa cetanre pon sạrte damanakʼ dhirikom bạisạu ocoya. Pạhil sạrre do cuni, podmorag ar morokot;

Genesis 2:12

ona disạm reakʼ sona do ạḍi bhagea. Ona chaḍa onḍe do guggul ar gomedok mạnik hõ ńamokʼkan tahẽkana.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

1 Bõsbudạ 29:3

Noa sonot sekʼwa oṛakʼ lạgitʼ okań jogaṛ dohoakatʼ ona chaḍa hõ ińren Isorakʼ oṛakʼ cetanre ińakʼ dulạṛ udug lạgitʼ ńitokʼ ińakʼ sona ar rupạń emeda.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Exodus 28:9

Am do barea boidorjomoni dhirite ona cetanre Israelren hoponkoakʼ ńutumem galaṅ ocoya.

2 Bõsbudạ 3:6

Ona chaḍa damanakʼ dhirikote uni do oṛakʼe sajaokeda. Okaṭakʼ sonae beoharketʼ ona do Parawayim disạm reakʼ sona tahẽkana.

Jobakʼ 28:1

“Rupạ reakʼ do khạn menakʼa ar sona nirại ocoy reakʼ hõ ṭhạ̃i menakʼa.