1 Bõsbudạ 29:1 - সান্তালী বাইবেল

¹ Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

1 Bõsbudạ 29:1 Referans Kwoze

1 Bõsbudạ 22:5

Dạude menkeda, “Ińren hopon Solomon do umerteye komaogea ar bae gạkhuṛa, menkhan Probhu Isor lạgitʼ okaṭakʼ oṛakʼ benao hoyokʼ ona do sanam jạtren hoṛkoakʼ mẽtʼre ńutumanakʼ, jak jomok ar ṭhonokte perecʼ hoyokʼma. Ona lạgitʼ iń do jotowakʼiń jogaṛ dohokakʼa.” Niạ menkate Dạud do acʼakʼ gujukʼ ạurire aema lekanakʼ jiniskoe jogaṛ dohokada.

1 Rapajko 3:7

“E ińren Probhu Isor, ińren ạpuń Dạudakʼ jaegare ńitokʼ do amren guti rajem hoyoco akadea. Menkhan ińakʼ umer do komgea, onate bạń baḍaea cetʼ lekate ińakʼ dạyikiń palona.

2 Bõsbudạ 13:7

Jerobiam do adomko okoḍa ar bhạṅgwạ hoṛko jarwakate Solomonren hopon Rehobiam upạrteye teṅgoyena. Ona jokhecʼ Rehobiam do juạn koṛa ar gạkhuṛ secʼte do komgeye tahẽkana; ar onko teṅgo daramko leka daṛe hõ baṅ tahẽkantaea.

Kạhtukko 4:3

Iń hõ coṅ iń babaren hoponiń tahẽkan, ar gogowakʼ mẽtʼre do huḍiń ar sadher hopon lekage.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

1 Bõsbudạ 28:8

“Onate sanam Israelko, metakʼme Probhu Isor do somajren hoṛko ar aboren Isor samaṅre iń do ape ńitokʼ noań hukumape kana, ape do aboren Probhu Isorakʼ sanamakʼ hukumko manao lạgitʼ moneyakʼpe jemon noa mońj disạmrepe tahẽdaṛeakʼa ar jaejug reakʼ sompotti lekate aperen bõskope em daṛeako.

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

Jirimiạ 30:18

Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.

1 Rapajko 1:20

E ińren mạlik maharaj, sanam Israelko do amko koyokʼ hor akatʼmea. Onko do am ṭhen khon baḍae sanayetʼkoa ińren mạlik maharajakʼ do acʼ tayom siṅghạsonre okoeye duṛubea mente.

1 Bõsbudạ 22:2

Etạkʼ jạtren okoeko hoṛ do Israel disạmreko girobasokʼ kan tahẽkan Dạud do onko jarwako lạgitʼe hukumkeda. Onko mod khon uni do dhiri lakʼ rog lạgitʼ hoṛkoe bachaoana jemon onko do Isorakʼ oṛakʼ benao lạgitʼ dhiriko lakʼ rokʼ daṛeakʼ.

2 Bõsbudạ 1:2

Solomon do sanam Israelko, metakʼme hajar lạṛhại phạdkoren ar sae sae lạṛhại phạdkoren subedarko, bikʼcạrko ar Israelren sanam bõsren mukhiyạko jarwa mitʼko lạgitʼe hukumkeda.