1 Bõsbudạ 28:5 - সান্তালী বাইবেল

⁵ Uni do aema hoponkoe emadińa, ar onko hoponińko modre Probhu Isorakʼ rajosṭi Israelakʼ siṅghạsonre duṛubokʼ lạgitʼ uni do ińren hopon Solomone bachao akawana.

1 Bõsbudạ 28:5 Referans Kwoze

1 Bõsbudạ 23:1

Dạud do tinreye haṛam cabayena unre uniren hopon Solomon do Israel cetanreye rajkadea.

1 Bõsbudạ 29:23

Unre Solomon do acʼren apat Dạud bodolte raj lekate siṅghạsonreye duṛupʼena. Ar sanamakʼre uni doe jo bahayena ar sanam Israelko do uniyakʼ katha lekako calakʼkan tahẽkana.

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

1 Bõsbudạ 17:14

Ińakʼ oṛakʼ ar ińakʼ rajosṭi do jaejug hạbicʼ iń dohoya ar uniyakʼ siṅghạson do jaejug hạbicʼ tahentaea.’ ”

1 Rapajko 2:15

Unre uniye menkeda, “Am dom baḍaegea rajosṭi do ińakʼge tahẽkana. Ar Israelren sanamkogeko hudisetʼ tahẽkana ińge rajiń hoyokʼa mente. Menkhan bhạg bodolente rajosṭi do ińren boehawakʼ tire calaoena, ente ona do Probhu Isor ṭhen khongeye ńam akada.

1 Rapajko 8:20

‘Probhu Isor do acʼakʼ gokʼakʼe purạu akada. Ińren ạpuń oka hudạreye tahẽkan iń do ona hudạgeń ńam akada. Probhu Isorakʼ gokʼakʼ lekate iń do Israelkoakʼ siṅghạsonreń duṛupʼ akana ar Israelren Probhu Isor lạgitʼ niạ oṛakʼ iń benao akada.

2 Bõsbudạ 9:8

Amren Probhu Isorakʼ sarhaoge baṛe hoyokʼtae ma, okoe do am cetanreye kusi akante acʼakʼ siṅghạsonreye duṛupʼ akatʼme jemon amren Probhu Isorakʼ rajosṭim benao daṛeakʼ. Uni do Israelkoe dulạṛetʼkoa ar jaejug hạbicʼ ṭarhao ocoko lạgitʼte uni do hok reakʼ bicạr ar dhorom rukhiyại lạgitʼgeye raj akatʼmea.”

Dosar Biboron 17:15

unre aperen Probhu Isor okoeye ṭhikape unigepe rajea. Ar uni do aperen Israel boehako modren mitʼ hoṛge jemone hoyokʼ. Okoe aperen Israel boehae baṅkan nonkan eṭakʼ jạtren hoṛ do alope rajkoa.

1 Rapajko 1:13

Am do ńitge Dạud raj ṭhen senkate menme, ‘E ińren mạlik maharaj, amren kạ̃ṛmĩ ṭhen niạ do cetʼ bam gokʼleda, am tayom do amren hopon Solomonge raje hoyokʼa mente ar unige amakʼ siṅghạsonreye duṛupʼa. Enḍekhan cekate Adoniạ do raje hoyakana?’

1 Rapajko 1:20

E ińren mạlik maharaj, sanam Israelko do amko koyokʼ hor akatʼmea. Onko do am ṭhen khon baḍae sanayetʼkoa ińren mạlik maharajakʼ do acʼ tayom siṅghạsonre okoeye duṛubea mente.

1 Rapajko 1:30

Israelkoren Isor ńutumte okaṭakʼ iń kiriạ akan ona do teheń khạṭigeń purạua. Amren hopon Solomonge iń tayom raje hoyokʼa ar unige ińakʼ siṅghạsonreye duṛupʼa.”

1 Rapajko 1:35

Inạ tayom ape do uni tayom tayomtepe ruạṛ hijukʼa. Ar uni do ińakʼ siṅghạsonreye duṛupʼa ar ińakʼ jaegareye rajokʼa. Ar iń do Israel ar Jihudạren disạm cakʼlaoyicʼ iń ojokʼ bahalkedea.”

1 Bõsbudạ 29:28

Uni do ḍher bochor jiwetʼ tahẽkanre dhon ar mane arjawan tahẽkana ar ạḍi haṛam umerreye gocʼena. Uniren hopon Solomon do acʼ apat bodolteye rajena.