1 Bõsbudạ 28:12 - সান্তালী বাইবেল

¹² Probhu Isorakʼ oṛakʼ reakʼ bakher raca, ona beṛhaeteakʼ kandhako, Isorakʼ oṛakʼ reakʼ khajańciko ar samaṅokʼ jinisko dohoy reakʼ oka noksa Sonot jiu do Dạud ṭhene sodorletʼ ona do jotoge Solomone baḍae ocokedea.

1 Bõsbudạ 28:12 Referans Kwoze

1 Bõsbudạ 26:20

Isorakʼ oṛakʼ reakʼ dhon bhanḍar ar Isor ńutumte begar dohoakatʼ jinisko reakʼ ńel todarot reakʼ bhar do sarecʼ Liwiko mod khon Ahiyạ cetanre tahẽkana.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

2 Rapajko 18:15

Onate Hiskiạ do Probhu Isorakʼ oṛakʼ ar rajakʼ khajańci oṛakʼre tinạkʼ rupạ tahẽkan jotoge uniye emadea.

2 Rapajko 16:8

Ahas do Probhu Isorakʼ oṛakʼ ar raj oṛakʼ reakʼ khajańci khon sona ar rupại ạguketʼte sandes lekate Asurren raj ṭhene kolkeda.

1 Rapajko 15:18

Probhu Isorakʼ oṛakʼre ar apnarakʼ raj khajańci oṛakʼre okako sona ar rupạko tahẽkan onako sanamakʼe oḍokkeda. Onako do acʼren gutikoakʼ tite Aramren raj Benhadad ṭhene kolkeda. Benhadad do Tabrimonren hopon Hesbonren goṛomtetʼ koṛae tahẽkana. Uni do unre Damesekreye rajokʼkan tahẽkana. Asa do uni ṭhene roṛgotʼkada,

1 Rapajko 15:15

Uni ar acʼren apattetʼ okako sona-rupạ ar eṭakʼ eṭakʼ jinisko Isor ńutumtekin begar doholetʼ uni do onako Isorakʼ oṛakʼteye ạgukeda.

1 Rapajko 14:26

Uni do Probhu Isorakʼ oṛakʼ ar raj oṛakʼ reakʼ sanam dhon-duribkoe luṭ idikeda. Uni do sanamakʼgeye idikeda, uni do Solomone benao ocoletʼ sona reakʼ ḍhalko hõe luṭ idikeda.

Exodus 31:2

“Ńelme, iń do Jihudạ gusṭiren Uriren hopon Besalel iń bachao akawana. Uri do Hurren hopone tahẽkana.

Exodus 25:40

Noa buru cetanre okako nạmunań udukʼatʼme ṭhik onka lekage jotowakʼem benao ocoya.

1 Bõsbudạ 28:11

Ona tayom Dạud do acʼren hopon Solomon do sekʼwa oṛakʼ reakʼ pinḍạ, ona reakʼ dolanko, khajańci oṛakʼko, cetan ar bhitri reakʼ kandhako ar kại dapal reakʼ ṭhạ̃ikoe noksawadea.

1 Bõsbudạ 28:19

Dạude menkeda, “Probhu Isor iń ṭhen okaṭakʼ nạmunae sodorletʼ tahẽkan uniyakʼ ạyurte iń do onań akaokeda, ar ona nạmuna reakʼ khạṭi-nạṭi bujhạu reakʼ akel do uniye emadiń tahẽkana.”

Jeheskel 40:2

Isor emakʼ dorson talate uni do Israel disạmteye idikedeńte mitʼṭecʼ usul buru cetanreye dohokedińa. Ona buru reakʼ dạkhin aṛere adom dolan oṛakʼko tahẽkana onako do ńelokʼte nagraha leka tahẽkana.

Jeheskel 40:38

Bahre raca reakʼ bhitri phaṭok duạrko reakʼ kham khunṭi aṛere mitʼ secʼ jhicʼ akatʼ mitʼṭecʼ kandha tahẽkana; ona do jeredokʼ samaṅokʼ janwarkoakʼ jel ạrupʼ ṭhạ̃i tahẽkana.

1 Rapajko 7:51

Nonkate solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Ar uni do Probhu Isorakʼ oṛakʼ reakʼ khajańci kandhare onakoe dohokeda.

Jirimiạ 35:2

“Am do Rekabiạ bõsren hoṛko ṭhen senokʼme ar ińakʼ oṛakʼ reakʼ mitʼṭecʼ kandhate hijukʼ metakom ar darkha rasa ńũ ocokom.”