1 Bõsbudạ 27:29 - সান্তালী বাইবেল

²⁹ Saronre okoe gại-ḍaṅgrako ạtińkan tahẽkan onko cetanre do Saroniạ Sotray cetanre bhar tahẽkana. Ar buru lodam oteteren gại-ḍaṅgrako cetanre do Adlai hopon Saphat cetanre tahẽkana.

1 Bõsbudạ 27:29 Referans Kwoze

1 Bõsbudạ 5:16

Gad gusṭiren hoṛko do Bason disạmre, Gileadre ar onḍenakʼ atokore ar Saron ṭoṭha reakʼ janwar ạtiń ṭạnḍi reakʼ sanam jaegareko girobasokʼ kan tahẽkana.

Jesaea 65:10

Ińren hoṛko okoe do ińakʼ sana lekako calakʼkan onkoren pal bhiḍiko lạgitʼ Saron do ạtiń ṭạnḍi hoyokʼa ar Akhor buru nala do ạsul janwarko lạgitʼ aḍa reakʼ jaegage.

Aposkạmi 9:35

Unre Ludda ar Sharon atoren sanam hoṛ do Aeneasko ńelkede khan Probhu Isor secʼko ạcurena.

1 Samuel 21:7

Doeg ńutuman Sạulren mitʼṭen Edomren guti do enhilokʼ Probhu Isor ńutumte mitʼṭecʼ kạmi lạgitʼ onḍeye tahẽkana. Uni do Sạulren gutikoren sordare tahẽkana.

1 Bõsbudạ 27:30

Ismaeliạ Obilakʼ do ũṭko cetanre bhar tahẽkantaea. Ar Merothi hoṛ Jehdiay do gadhako cetanre bhar tahẽkantaea.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

Sosolhayic̕ 2:7

Iń do ạḍi utạr guti ar kạ̃ṛmĩkoń kirińketʼkoa, ar aema guti kạ̃ṛmĩko do ińakʼ oṛakʼreko janamena. Iń lahate Jerusalemre okoeko tahẽkan onko khon ińren do ạḍi utạr ḍaṅgra ar bhiḍiko tahẽkana.