1 Bõsbudạ 27:25 - সান্তালী বাইবেল

²⁵ Rajakʼ khajańciko ńel todarot reakʼ bhar do Adiyel hopon Asmawet cetanre tahẽkana. Ar khet-baṛge, atoko, nagrahako ar usul horho oṛakʼkore okako khajańci oṛakʼ tahẽkana onako reakʼ bhar do Usiạ hopon Jonathan cetanre tahẽkana.

1 Bõsbudạ 27:25 Referans Kwoze

Jirimiạ 41:8

Menkhan onko mod khon gel hoṛ do Ismaelko metadea, “Ale do alom gocʼlea. Ale do ṭạnḍire aleakʼ jao, guhum, sunum ar dumur rasakole oko dohoakada.” Ona iạte Ismael do onkoe aṛakʼkatʼkoa, ar eṭakʼko sãote bae gocʼletʼkoa.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

2 Bõsbudạ 16:2

Unre Asa do Probhu Isorakʼ oṛakʼre ar apnarakʼ raj khajańci oṛakʼ khon sona ar rupạkoe oḍokketʼte Aram disạmren raj Benhadad ṭhene kolkeda. Unre Benhadad do Damesek nagrahareye girobasokʼ kan tahẽkana. Ar Asa do uni ṭhen kathae roṛgotʼkada,

2 Rapajko 18:15

Onate Hiskiạ do Probhu Isorakʼ oṛakʼ ar rajakʼ khajańci oṛakʼre tinạkʼ rupạ tahẽkan jotoge uniye emadea.

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Genesis 41:48

Unre Joseph do ona eae bochor hạbicʼ Misor reakʼ ḍher arjawakʼ phosolko do nagraha reakʼ gola oṛakʼkoreye dohokeda. Uni do mimitʼ nagraha ar ona beṛhaeteakʼ khetko khon phosol ạgukateye jarwa ocokeda.

1 Bõsbudạ 27:24

Seruya hopon Joab do hoṛ lekhae ehopʼletʼgea, menkhan uni do bae sạt daṛeada. Ar hoṛ lekha khạtirte Israelko cetanre Probhu Isorakʼ edre do paṛaolena. Ona iạte Dạud rajakʼ itihãs puthire hoṛkoakʼ jãhãn gunti do baṅ ol akana.

1 Bõsbudạ 27:26

Cacasko ńeltodarotko reakʼ bhar do Kelub hopon Esriye cetanre tahẽkana.

1 Bõsbudạ 29:6

Unre Israelren khũṭkoren mukhiyạko, judạ judạ khũṭkoren mukhiyạko, hajar lạṛhại phạdko ar sae lạṛhại phạdko ar rajakʼ kạmi reakʼ ńel todarotko do kusiteko dankeda.

2 Samuel 23:31

Arbaren Abi Albon, Bahurimren Asmawet,

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.