1 Bõsbudạ 27:1 - সান্তালী বাইবেল

¹ Noko doko hoyokʼkana Israel khũṭren mathako, hajarko ar sae-sae lạṛhại phạdkoren subedarko ar onko taberen kạmiyạkoakʼ tạlika. Noko do eṭakʼ eṭakʼ lạṛhại phạdrenko babotre sanamakʼ reaṅ rajko goṛowaekan tahẽkana. Gelbar goṭecʼ dol reakʼ jotowakʼrege bargel pon hajar lạṛhại phạdko tahẽkana. Onko do bochor bhor mimitʼ goṭecʼ dolre mimitʼ cando kateko kạmiyetʼ tahẽkana.

1 Bõsbudạ 27:1 Referans Kwoze

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.

1 Bõsbudạ 13:1

Dạud do acʼren mitʼke mitʼ mukhiyạko, metakʼme hajar lạṛhại phạdkoren subedar ar sae sae lạṛhại phạdkoren subedarko sãoteye sopolhawana.

1 Rapajko 5:14

Ar jao cando uni do pạli pạlite onko mod khon gel hajar hoṛ Lebanonteye koletʼko tahẽkana. Onko do Lebanonre mitʼ cando ar akoakʼ oṛakʼre bar candokateko tahẽnkan tahẽkana. Onkoakʼ noako kạmi ńel todarot reakʼ bhar do Adoniram cetanre tahẽkana.

1 Rapajko 4:27

Disạm cakʼlaoko do akoakʼ pạli reakʼ candore Solomon raj ar uniyakʼ ṭebilre okoeko jometʼkan tahẽkan onko sanamko lạgitʼ jomakʼko jogaṛetʼ tahẽkana. Arko ńel todarotetʼ tahẽkana jemon okaṭakʼ reakʼ hõ uniyakʼ ṭonṭa alo hoyokʼtae.

1 Rapajko 4:7

Solomon do sanam Israelko cetanre gelbar goṭen cakʼlaokoe bahalketʼkoa. Onko do raj ar raj gharońjrenko lạgitʼ jomakʼko juṛạuetʼ tahẽkana. Onko mimitʼko do bochorre mitʼ candokate jomakʼko jogaṛ akokan tahẽkana.

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.

Dosar Biboron 1:15

Ona iạte aperen gusṭiko khon ạkilanko, bujhạntar hoṛko, namḍak hoṛko hataokate ape cetanre, hajarko cetanre, saeko cetanre, mõṛẽgelko cetanre, gelko cetanre mathako ar judạ judạ kạmiyạkoń bahalketʼkoa.

Exodus 18:25

Uni do sanam Israelko tala khon lekman hoṛkoe bachaoketʼkote mukhiyạko lekateye bahalketʼkoa- adomko do hajarko cetanre, adomko do saeko cetanre, adomko do mõṛẽgelko cetanre ar adomko do gelko cetanre.

1 Bõsbudạ 26:32

Jiriạwakʼ bõsren bar hajar eae sae hoṛ do daṛeankoko tahẽkana. Onko do apan ạpin gharońjren mathako tahẽkana. Dạud raj do Isor ar rajakʼ sanamakʼ kạmi lạgitʼ Rubenrenko, Gadrenko ar Manase gusṭiren adha hoṛko cetanre Hebronrenkoe bahalketʼkoa.

1 Bõsbudạ 27:2

Pạhil cando lạgitʼ lạṛhại phạdkoakʼ bhar do Sobdiạlren hopon Jaebiam cetanre tahẽkana.

1 Bõsbudạ 29:6

Unre Israelren khũṭkoren mukhiyạko, judạ judạ khũṭkoren mukhiyạko, hajar lạṛhại phạdko ar sae lạṛhại phạdko ar rajakʼ kạmi reakʼ ńel todarotko do kusiteko dankeda.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

2 Samuel 23:8

Dạudren birbanṭa hoṛkoakʼ ńutum do nonka leka: Tahkemonren Joseb-Boseboth do pene birbanṭakoren mathae tahẽkana. Mitʼṭen lạṛhạire uni do irạlsae hoṛe gocʼletʼkote Esniren Adinoko metaekan tahẽkana.

1 Bõsbudạ 11:10

Probhu Isorakʼ gokʼakʼ lekate Dạud jemon goṭa disạm cetanre acʼakʼ ạidạriye teṅgo daṛeakʼ ona lạgitʼ daṛean hoṛko modre okoe mukhiyạko tahẽkan onko do sanam Israelko soṅgekate uni secʼko hoyente uniyakʼ raj daṛeko keṭecʼketʼtaea. Onko daṛean hoṛkoakʼ katha do noa kana: Jasbiam ńutuman Hokmoniạkoren mitʼṭen hoṛe tahẽkan uni do “Pe gel” ńutuman bir banṭaren mukhiyại tahẽkana. Uni do mitʼ dhao borlomte pe sae hoṛe sobokʼ gocʼletʼkoa.

2 Bõsbudạ 1:2

Solomon do sanam Israelko, metakʼme hajar lạṛhại phạdkoren ar sae sae lạṛhại phạdkoren subedarko, bikʼcạrko ar Israelren sanam bõsren mukhiyạko jarwa mitʼko lạgitʼe hukumkeda.