1 Bõsbudạ 26:6 - সান্তালী বাইবেল

⁶ Obed-Edomren hopon Somoyiaren do adom hoponko tahẽkana; onko mimitʼko onkoren mukhiyạko tahẽkana, ente onko do lạṛhại birko tahẽkana.

1 Bõsbudạ 26:6 Referans Kwoze

2Timothi 2:3

Mạsi Jisuren mitʼṭen lek lekanicʼ sipạhi leka am do ale sãote duk sahaome.

1Timothi 6:12

Mạsire biswạs iạte bhage lạṛhại ma lạṛhạime. Oka jaejug jion lạgitʼ Isore hohoakatʼme ona sapʼakae tahenme. Am do ạḍi utạr hoṛko samaṅre amakʼ biswạs reakʼ goham emleda.

2 Bõsbudạ 26:17

Onate maraṅ naeke Asariạ ar Probhu Isorren irạlgel dilan naekeko do raj tayom tayomte bhitriteko boloyena.

1 Bõsbudạ 26:8

Noko sanamkoge Obed-Edom bõsren hoṛko tahẽkana. Onko ar onkoren hoponko ar bõsrenko do lek lekan ar daṛean hoṛko tahẽkana. Obed-Edom bõsren hoṛko do jotote turuigel bar hoṛko tahẽkana.

1 Bõsbudạ 12:28

Ona chaḍa Sadok ńutuman mitʼṭen daṛean lạṛhại bire tahẽkana ar uni bõsren bargel bar subedarko tahẽkana.

2 Samuel 2:7

Onate ape do keṭejokʼpe ar dilanko hoyokʼpe. Aperen mạlik Sạul doe gocʼena ar Jihudạ gusṭiren hoṛko do raj lekate ińko ojokʼ bahal akadińạ.”

Bikʼcạrko 6:12

Unre Probhu Isorren goḍet do Gideon ṭhen ńel ocoyenteye metadea, “E daṛean bir, Probhu Isor do am sãore menaea.”

1 Bõsbudạ 26:7

Somoyiren hopon doko hoyokʼkana; Atni, Rophayel, Obed, Elsabod. Somoyi bõsren Elihu ar Somothiạ hõ daṛean hoṛkin tahẽkana.