1 Bõsbudạ 26:32 - সান্তালী বাইবেল

³² Jiriạwakʼ bõsren bar hajar eae sae hoṛ do daṛeankoko tahẽkana. Onko do apan ạpin gharońjren mathako tahẽkana. Dạud raj do Isor ar rajakʼ sanamakʼ kạmi lạgitʼ Rubenrenko, Gadrenko ar Manase gusṭiren adha hoṛko cetanre Hebronrenkoe bahalketʼkoa.

1 Bõsbudạ 26:32 Referans Kwoze

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

1 Bõsbudạ 24:31

Noko hõ Dạud raj, Sadok, Ahimelok ar naeke ar Liwikoakʼ bõsren mukhiyạko samaṅre onkoren boehako, metakʼme Aron bõsren hoṛko lekako gulibãṭleda. Ar baṅ do maraṅicʼ boeha kane baṅ do huḍińicʼ boeha kane onko sanamko lạgitʼ inạ mitʼ lekageko gulibãṭleda.

1 Bõsbudạ 23:24

Nokoge bõslekate Liwi gusṭiren eṭakʼ eṭakʼ bõskoren mukhiyạko tahẽkana. Noko do bõsren hoṛko talare okoekoakʼ umer do bargel se ona khon bạ̃ṛti tahẽkan onko do lekha kate ńutum ol hoylentakoa, ar onkoge Probhu Isorakʼ oṛakʼren sapʼsosor kạmiyạ hoṛko tahẽkana.

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.

1 Bõsbudạ 12:37

Sanam lekan khanḍa bhanḍawante jordan purub secʼ khon mitʼ lakh bargel hajar hoṛko hecʼlena. Noko doko hecʼlena Ruben, Gad ar Manase gusṭiren adha hoṛko modrenkoge.

1 Bõsbudạ 27:1

Noko doko hoyokʼkana Israel khũṭren mathako, hajarko ar sae-sae lạṛhại phạdkoren subedarko ar onko taberen kạmiyạkoakʼ tạlika. Noko do eṭakʼ eṭakʼ lạṛhại phạdrenko babotre sanamakʼ reaṅ rajko goṛowaekan tahẽkana. Gelbar goṭecʼ dol reakʼ jotowakʼrege bargel pon hajar lạṛhại phạdko tahẽkana. Onko do bochor bhor mimitʼ goṭecʼ dolre mimitʼ cando kateko kạmiyetʼ tahẽkana.

Josuạ 1:12

Ruben ar Gad gusṭiren sanamko ar Manase adha gusṭiren hoṛko do Josuại metatʼkoa,