1 Bõsbudạ 26:27 - সান্তালী বাইবেল

²⁷ Lạṛhạire luṭ akatʼ adomakʼ jinisko onko do Probhu Isorakʼ oṛakʼ jut aroe ńutumte uni lạgitʼko begar dohoakatʼ tahẽkana.

1 Bõsbudạ 26:27 Referans Kwoze

2 Rapajko 12:14

Ńel todarotko do ona ṭaka mistrikoko emakokan tahẽkana jemon onko do koejoṅ oṛakʼ jut aroe reakʼ kạmireko beohar daṛeakʼ.

Josuạ 6:19

Sanam sona, rupạ ar pitạl ar mẽṛhẽtʼ reakʼ jinisko Probhu Isor ńutumte begar akana; ar ona iạte onako do uniyakʼ khajańci kandhare calakʼa.”

1 Bõsbudạ 26:26

Dạud raj do Israelren eṭakʼ eṭakʼ mukhiyạko, hajar ar sae cetanren subedarko ar maraṅ subedarko okaṭakʼ jinisko Isor ńutumteko begar doholetʼ Solomoth ar uni bõsren hoṛko do onako jinis reakʼ bhanḍarko ńel todarotetʼ tahẽkana.

1 Bõsbudạ 26:28

Ona chaḍa ńeńelicʼ Sạmuel, Kisren hopon Sạul, Nerren hopon Abner ar Soruaren hopon Joab do okako jinis Isor ńutumteko begar doholetʼ, metakʼme begar dohoakatʼ sanamakʼ jinisko ńel todarot reakʼ bhar do Solomoth ar uni bõsren hoṛko cetanre tahẽkana.

2 Samuel 8:11

Niạ lahare Dạud do Aramrenko, Moabrenko, Amonrenko, Philisṭiko ar Amalekeki jạtrenkoe dobnaoketʼkote onkoakʼ sona, rupạ, ạgukate Probhu Isor ńutumteye begar dohokada, ar Sobaren raj Rehobren hopon Hadadeser ṭhen khon okakoe luṭ ạgu akatʼ tahẽkan ona hõe begar dohoakatʼ tahẽkana. Uni do Joram emakʼ jinisko hõ Probhu Isor ńutumteye begar dohoakada.

1 Bõsbudạ 18:11

Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.

2 Bõsbudạ 5:1

Nonkate Solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Onako uni do Isorakʼ oṛakʼ reakʼ dhon bhanḍarreye dohokada.