1 Bõsbudạ 26:20 - সান্তালী বাইবেল

²⁰ Isorakʼ oṛakʼ reakʼ dhon bhanḍar ar Isor ńutumte begar dohoakatʼ jinisko reakʼ ńel todarot reakʼ bhar do sarecʼ Liwiko mod khon Ahiyạ cetanre tahẽkana.

1 Bõsbudạ 26:20 Referans Kwoze

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Esra 2:69

Onko mimitʼko do akoakʼ daṛe leka niạ kạmi lạgitʼ ponsae mõṛẽ keji sona, pe hajar barsae mõṛẽgel keji rupạ ar naekeko lạgitʼ mitʼsae kicricʼ do khajańci oṛakʼreko dohokeda.

1 Bõsbudạ 26:24

Sobuyel ńutuman Moseren hopon Gersom bõsren mitʼṭen hoṛ do dhon rurukhiyicʼren sordare tahẽkana.

1 Bõsbudạ 18:11

Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.

1 Rapajko 15:18

Probhu Isorakʼ oṛakʼre ar apnarakʼ raj khajańci oṛakʼre okako sona ar rupạko tahẽkan onako sanamakʼe oḍokkeda. Onako do acʼren gutikoakʼ tite Aramren raj Benhadad ṭhene kolkeda. Benhadad do Tabrimonren hopon Hesbonren goṛomtetʼ koṛae tahẽkana. Uni do unre Damesekreye rajokʼkan tahẽkana. Asa do uni ṭhene roṛgotʼkada,

1 Rapajko 14:26

Uni do Probhu Isorakʼ oṛakʼ ar raj oṛakʼ reakʼ sanam dhon-duribkoe luṭ idikeda. Uni do sanamakʼgeye idikeda, uni do Solomone benao ocoletʼ sona reakʼ ḍhalko hõe luṭ idikeda.

1 Rapajko 7:51

Nonkate solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Ar uni do Probhu Isorakʼ oṛakʼ reakʼ khajańci kandhare onakoe dohokeda.

1 Bõsbudạ 26:19

Noage Koroho ar Morari bõsren rurukhiyạkoakʼ hạṭińokʼ reakʼ do tahẽkana.

1 Bõsbudạ 26:21

Gersen Ladonren hopon doe hoyokʼkana Jihiyeli. Jihiyeliren hopon Sethom ar uniren boeha Joel cetanre do Probhu Isorakʼ oṛakʼ reakʼ dhon bhanḍar ńel todarot reakʼ bhar tahẽkana. Nukin do onkoren apan ạpin bõsren mukhiyạ kin tahẽkana.

Numeri 8:26

Unre noko hoṛ do ńapamokʼ tạmbure akoren boehako sãote ńeljut kạmireko goṛo daṛeakoa menkhan jãhãn kạmire hat do bako lagao daṛeakʼa. Ar am do noa niạm lekage Liwikom bondobosakoa.”

2 Bõsbudạ 8:15

Dạud raj do khajańci reakʼ jãhãnakʼ babotre ar eṭakʼ jãhãnakʼ babotre naekeko ar Liwiko okaṭakʼ hukume em oṭowatʼko tahẽkan ona do bako bemanot leda.

Esra 8:28

Iń do onkoń metatʼkoa, “Niạko bạṭiko do Probhu Isor ńutumte begar dohoakana. Ona chaḍa niạko sona ar rupạ do aperen hapṛamkoren Probhu Isor ńutumte apnarakʼ sana leka dan akana.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.