1 Bõsbudạ 26:12 - সান্তালী বাইবেল

¹² Eṭakʼ eṭakʼ dolre hạṭiń akan noko rurukhiyạko do akoren mukhiyạko tabere tahẽkate onkoren gusṭi boehako lekage Probhu Isorakʼ oṛakʼre sewa kạmi reakʼ dạyikko ńamleda.

1 Bõsbudạ 26:12 Referans Kwoze

1 Bõsbudạ 25:8

Koṛako khon haṛam hạbicʼ, cecetʼko ar cetʼjoṅko jotokoakʼ kạmi reakʼ pạli do gulibãṭkate ṭhik doholena.

2 Rapajko 7:10

Onate onko do senkate nagraha reakʼ phaṭok duạrren pahradarko metatʼkoa, “Ale do Aramrenkoakʼ ḍeratele senlena. Onḍe do mitʼṭecʼ hoṛ hõ bạnukʼkoa, cetʼ sabadge bạnukʼa; eken sadomko ar gadhako tol akan menakʼkoa ar tạmbuko do cetʼleka tahẽkan onkage bạgikate onko doko calao akana.”

1 Bõsbudạ 26:13

Bõs lekate huḍiń khon haṛamko onko jotoko lạgitʼge gulibãṭ do hoylena jemon oka dolrenko do oka phaṭok duạreko kạmiya mente.

2 Bõsbudạ 35:15

Dạud, Ashap, Heman ar rajren ńeńelicʼ Jeduthun tekoakʼ hukum leka Ashap bõsren sekʼreńko ar bajnadarko do apan ạpin jaegareko tahẽkana. Ar mitʼke mitʼ phaṭok duạrre do rurukhiyạkoko tahẽkana. Onko do kạmi bạgi oṭowakʼ jạruṛge baṅ hoylentakoa, ente onkoren Liwi boehako do onko lạgitʼko bebosta akatʼ tahẽkana.

1 Bõsbudạ 9:23

Onko ar onko bõsren hoṛko do Probhu Isorakʼ oṛakʼ, metakʼme ḍera tạmbu reakʼ duạrko horhoyetʼ tahẽkana.

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.