1 Bõsbudạ 25:1 - সান্তালী বাইবেল

¹ Sekʼwa oṛakʼ reakʼ sapʼ sosor kạmi lạgitʼ Dạud ar lạṛhại phạdkoren subedarko do Asaph, Hemon ar Jiduthonren hoponkoko begarketʼkoa jemon onko do peṛesaṅ, binạ banam ar kortal ru seletʼ sereń talate Isorakʼ kathako sodor daṛeakʼ. Ar okoeko noako kạmikan tahẽkan onkoa tạlika do nonka leka:

1 Bõsbudạ 25:1 Referans Kwoze

1 Bõsbudạ 6:33

Niạ sewa kạmire okoe hoṛko ar onkoren okoeko bõskoko bahal ocolen onko doko hoyokʼkana: Kohatrenko modre do gaenaha Hemone tahẽkana. Hemon do Joelren hopone tahẽkana, ar Joel do Samuelren hopon,

2 Rapajko 3:15

Ńitokʼ do nonkan mitʼṭen hoṛ ạguiyepe okoe do peṛesaṅe banam daṛeakʼ.” Uni hoṛ do tinre peṛesaṅe banametʼ tahẽkana unre Probhu Isorakʼ daṛe do Elisae cetanre hecʼena.

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

1 Bõsbudạ 6:39

Hemonren peṛa Asaph ar uniren sereń dolko do Hemonakʼ jojomsa secʼreko teṅgokʼkan tahẽkana. Ar Asaph do Berikhir hopone tahẽkana, Berikhir do Simiyiren hopon,

Nehemiạ 12:27

Jerusalem reakʼ pạcri Isor ńutumte samaṅokʼ reakʼ porob jokhecʼ Liwiko okareko girobasokʼ kan tahẽkan onḍe khon Jerusalemteko ạgu ocoyena jemon onko do kortal, binạ banam ar peṛesaṅ banam salakʼ sarhaoteakʼ sereńko sereńte rạskạ salakʼ ona porobko palon daṛeakʼ,

2 Bõsbudạ 34:12

Menkhan onko mistriko do pạtiạr salakʼko kạmikeda. Onko ńel todarotko lạgitʼ onko cetanre do Jahat ar Obadiạ ńutuman Morari bõsren barea Liwi ar Kohat bõsren Sakariạ ar Mesulam ar okoe Liwiko do mońj bajnako daṛeakʼ kan tahẽkan.

2 Bõsbudạ 23:13

Uni doe ńelkeda, Probhu Isorakʼ oṛakʼte bolokʼ reakʼ horre raj do acʼakʼ khunṭi ṭhene teṅgo akana ar subedarko ar sakwa okʼroṅko do raj beṛhaeteko teṅgoakana. Ar disạmren sanam hoṛ doko rạskạkʼ kana ar sakwako oroṅeda ar sekʼreńko do bajnawateko sereńeda. Noa ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! hul!”

1 Bõsbudạ 25:3

Jiduthanren turui goṭen hoponko do Gedaliạ, Sori, Jisayaho, Simiyi, Hosbiạ ar Mottithiạ. Onko do akoren apattetʼ Jiduthanakʼ ạyurte peṛesaṅ banamate Probhu Isor sarhao ar õṛhẽ talate uniyakʼ kathako sodoretʼ tahẽkana.

Sereńko 81:2

Oṛhẽ sereń ehobpe, ar tobla saḍe ocoype; mońj peṛesaṅ banam salakʼge.

Nehemiạ 12:24

Liwikoren mukhiyạ Hasabia, Serebia, Kadmiyelren hopon Josua ar onkoren bõsren hoṛko do Isorren hoṛ Dạudakʼ katha lekage eṭakʼ dolren samna sạmni teṅgokate Isor sarhao arko gun manao joharae kan tahẽkana.

2 Bõsbudạ 31:2

Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.

2 Bõsbudạ 23:9

Dạud rajakʼ okako borlom, kạṭicʼ ar lạṭu ḍhalko Probhu Isorakʼ oṛakʼre tahẽkan onako hataokate uni do subedarkoe ematʼkoa.

2 Bõsbudạ 23:1

Eaeakʼ bochorre Jehoyada do apnartetʼe daṛeyente Jehoramren hopon Asariạ, Jehohanan hopon Ismael, Obedren hopon Asariạ, Adayren hopon Maseya ar Sikri hopon Elisaphat teko sãote mitʼṭecʼ bondobose bandhaokeda. Noko sanamkoge sae saeko cetanren subedarko tahẽkana.

1 Bõsbudạ 23:2

Dạud do Israelren sanam mukhiyạko, naekeko ar Liwikoe jarwa mitʼketʼkoa.

1 Bõsbudạ 12:28

Ona chaḍa Sadok ńutuman mitʼṭen daṛean lạṛhại bire tahẽkana ar uni bõsren bargel bar subedarko tahẽkana.

1 Bõsbudạ 6:44

Onkoren peṛako metakʼme Morariren sereń dol do Hemonakʼ leṅgati secʼreko teṅgokʼkan tahẽkana. Ethon doe tahẽkana Kisren hopon, Kis do Obdiren hopon, Obdi do Mollukren hopon,

1 Bõsbudạ 9:33

Liwi gusṭiren bõs mukhiyạko okoe do sereń durạṅreko tahẽkan onko do koejoṅ oṛakʼ reakʼ kandhareko tahẽnkan tahẽkana. Onko do sereń durạṅre siń nindạ bestoko tahenkan tahẽkante onko cetanre eṭakʼ jãhãn kạmi reakʼ bhar do baṅ tahẽkana.

1 Bõsbudạ 25:2

Asaphren hopon Sukur, Joseph, Nathaniel ar Asarel. Onko do rajakʼ hukum lekate Asaphakʼ ạyurte sereń talate Isorakʼ kathako sodoretʼ tahẽkana.

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.

2 Bõsbudạ 23:18

Ona tayom Jehoyada do Probhu Isorakʼ oṛakʼ ńel todarot reakʼ bhar do naekekoakʼ tireye jimạkeda. Noko do Liwiko tahẽkana. Noko cetanrege Dạud do Probhu Isorakʼ oṛakʼ reakʼ bhare emleda jemon onko do Dạudakʼ hukum leka rạskạ salakʼ sereń sereńte Moseyakʼ ạn-ạri lekate Probhu Isor ńutumte jeredokʼ samaṅokʼakʼ reakʼ porobko porob daṛeakʼ.

2 Bõsbudạ 35:15

Dạud, Ashap, Heman ar rajren ńeńelicʼ Jeduthun tekoakʼ hukum leka Ashap bõsren sekʼreńko ar bajnadarko do apan ạpin jaegareko tahẽkana. Ar mitʼke mitʼ phaṭok duạrre do rurukhiyạkoko tahẽkana. Onko do kạmi bạgi oṭowakʼ jạruṛge baṅ hoylentakoa, ente onkoren Liwi boehako do onko lạgitʼko bebosta akatʼ tahẽkana.

Jeheskel 40:44

Bhitri raca talare phaṭok duạr aṛere sekʼreńko lạgitʼ pe secʼ jhicʼge kandha tahẽkana; barea do utạr phaṭok aṛere dạkhin duạr ar mitʼṭecʼ do purub phaṭok aṛere utạr duạr.

1 Rapajko 10:12

Ar raj do onako sero kaṭte Probhu Isorakʼ oṛakʼ ar raj dolan reakʼ khunṭiko ar sekʼreń dolko lạgitʼ binạ banamko ar peṛesaṅkoe benao ocokeda. Teheń hạbicʼ ar tishõ unạkʼ sero kaṭ do disạmre ar baṅ ạguakan tahẽkana ar ńelhõ bań ńelakan tahẽkana.

1 Bõsbudạ 6:16

Liwiren hopon do Gerson, Kohat ar Merari.

1 Bõsbudạ 13:8

Dạud ar sanam Israelko do Probhu Isor samaṅre akoakʼ goṭa daṛeteko enecʼ sereńetʼ tahẽkana ar peṛesaṅ, binạ banama, tabla, kortal ar pẽpṛẽtʼanteko rạskạkʼkan tahẽkana.

1 Bõsbudạ 15:28

Nonkate sanam Israelko do ãṭ aṛaṅte hohowate, pẽpṛẽtʼ ar sakwa oroṅate, kortal ruwate, binạ banama ar peṛesaṅ banamate Probhu Isorakʼ sinduk do Jerusalemteko ạgukeda.

1 Bõsbudạ 25:9

Asaph secʼ khon pạhilre gulibãṭkate Josephakʼ ńutum rakapʼena. Dosar dhao gulibãṭre do Godaliakʼ ńutum rakapʼena; uni, ar uniren peṛa pạrbhạko ar hoponkoante gelbar hoṛko tahẽkana.

2 Bõsbudạ 29:13

Elisaphan bõsrenko mod khon Simri ar Jeuel; Ashap bõsrenko mod khon Sekariạ ar Mataniạ;

2 Bõsbudạ 29:14

Hemanren bõsko mod khon Jehuel ar Simại ar Jeduthunren bõsko mod khon Semaya ar Usiyel.

Esra 2:41

Sekʼreńkoakʼ lekha do nonka; Asaph bõsren mitʼsae bargel irạl hoṛ.

Esra 6:18

Moseyakʼ puthire cetʼleka olakan onkage Jerusalemre Isorakʼ sewa kạmi lạgitʼ naekeko ar liwiko do judạ judạ dolreko bahal ocoyena.

Nehemiạ 11:17

Ona chaḍa Mikạren hopon Mataniạ, okoe do gunmanao johar ar sarhao sereń ạyurkoren sordare tahẽkana. Mikạren hapṛam dokin tahẽkana Sabdi ar Asapha. Nukin sãote Bakbukiại tahẽkana okoe do são kạmiyạko modren dosaricʼe tahẽkan. Somuyiren hopon Abda hõe tahẽkana; Samuyiren hapṛam dokin tahẽkana Galal ar Jeduthun.

Sereńko 81:3

Aboakʼ porob din reakʼ ambasre ar kunạmire sakwa oroṅpe;