1 Bõsbudạ 24:5 - সান্তালী বাইবেল

⁵ Eliaser ar Ithamar, niạ banar bõsren mukhiyạko do koejoṅ oṛakʼ reakʼ ar Isorren kạmiyạkoko tahẽkante okoe secʼhõ sen baṅkate gulibãṭkate naeke kạmiko hạṭińana.

1 Bõsbudạ 24:5 Referans Kwoze

1 Bõsbudạ 24:31

Noko hõ Dạud raj, Sadok, Ahimelok ar naeke ar Liwikoakʼ bõsren mukhiyạko samaṅre onkoren boehako, metakʼme Aron bõsren hoṛko lekako gulibãṭleda. Ar baṅ do maraṅicʼ boeha kane baṅ do huḍińicʼ boeha kane onko sanamko lạgitʼ inạ mitʼ lekageko gulibãṭleda.

Aposkạmi 5:24

Noa katha ańjomkate mundilren maraṅ kạmiạyicʼ ar maraṅ naekeko doko andesaleyena ar cetʼ coṅ hoyokʼa nahakʼ mente hudisokʼko ehopʼena.

Aposkạmi 4:6

Onḍe do maraṅ naeke Hannas hõe tahẽkana. Ona chaḍa Kaeapha, Johan, Aleksander ar maraṅ naekeakʼ gharońjren eṭakʼ hoṛko hõko tahẽkana.

Aposkạmi 4:1

Patras ar Johan do tinre hoṛkokin galmarao akokan tahẽkana unre naekeko, mundilren mukhiyạko ar Sạdukiko hõ unkin ṭhenko hecʼena.

Aposkạmi 1:26

Adoko gulibãṭketʼ khan Mạthiạ ńutum rakapʼena. Onate Mạthiạ do onko gelmitʼ apostolko sãoteye lekha mitʼena.

Mathae 27:1

Ado setakʼen khan maraṅ naekeko ar murubbiko do Jisu goje reakʼko goṭakeda.

Mathae 26:3

Unre maraṅ naekeko ar Jihudikoren murubbiko do Kaeaphako metae maraṅ naekeakʼ oṛakʼreko jarwa mitʼena, ar Jisu hape hapete sapʼkate goje reakʼ phundiko aṭaokeda.

Jona 1:7

Ar jahaj cakʼlaoko hõ ako akoreko mepenena, “Noa muhinren dạyi do okoeye hoedaṛekokʼa, onate dela gulibãṭkate bon ńelma.” Arko gulibãṭketʼ khan onare Jonawakʼ ńutumge rakapʼena.

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

2 Bõsbudạ 35:8

Rajren kạmiyạko hõ apan ạpin kusileka disomren hoṛko, naekeko ar Liwiko ńutumteko danketʼkoa. Hilkiạ, Sakariạ ar Jehiyel ńutuman Isorakʼ oṛakʼren mukhiyạko do bańcaokʼ porob reakʼ samaṅokʼakʼ lạgitʼ bar hajar turui sae merom ar bhiḍiko ar pe sae ḍaṅgrako naekekoko ematʼkoa.

Josuạ 18:10

Josuạ do Silore Probhu Isor samaṅre Israelko lạgitʼe gulibãṭkeda ar onkoakʼ gusṭi lekate disạm do onḍeye hạṭińatʼkoa.

1 Bõsbudạ 24:4

Onate Ethamor bõsren hoṛko khon Eliaser bõsren hoṛko talare ạḍi ḍher mukhiyạko ńamena. Ona iạte Eliaser bõsren gel turui mukhiyạko lạgitʼ onkoren gel turui dolre ar Ethamor bõsren irạl goṭen mukhiyạko lạgitʼ onko do irạl goṭecʼ dolreko hạṭińena.

1 Bõsbudạ 26:13

Bõs lekate huḍiń khon haṛamko onko jotoko lạgitʼge gulibãṭ do hoylena jemon oka dolrenko do oka phaṭok duạreko kạmiya mente.

1 Bõsbudạ 25:8

Koṛako khon haṛam hạbicʼ, cecetʼko ar cetʼjoṅko jotokoakʼ kạmi reakʼ pạli do gulibãṭkate ṭhik doholena.

Jesaea 43:28

Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”