1 Bõsbudạ 24:3 - সান্তালী বাইবেল

³ Sadok ńutuman Eliaserren do mitʼṭecʼ bõs ar Ahimelok ńutuman Ethamorren mitʼṭen hoponakʼ goṛote Dạud do naekekoakʼ kạmi lekate onko do eṭakʼ eṭakʼ dolreye hạṭińletʼkoa.

1 Bõsbudạ 24:3 Referans Kwoze

2 Samuel 8:17

Ar Ahiṭubren hopon Sadok ar Abiatharren hopon Ahimelok tạkin do naekekin tahekana ar Seraya do rajren olokʼicʼe tahẽkana.

1 Bõsbudạ 24:31

Noko hõ Dạud raj, Sadok, Ahimelok ar naeke ar Liwikoakʼ bõsren mukhiyạko samaṅre onkoren boehako, metakʼme Aron bõsren hoṛko lekako gulibãṭleda. Ar baṅ do maraṅicʼ boeha kane baṅ do huḍińicʼ boeha kane onko sanamko lạgitʼ inạ mitʼ lekageko gulibãṭleda.

1 Bõsbudạ 24:6

Raj ar uniren maraṅ hudạren kạmiyạko samaṅre ar naeke Sadok, Abiạthorren hopon Ahimelok, naeke bõsren mukhiyạko ar Liwiko samaṅre Nathanielren hopon Somoyiạ ńutuman mitʼṭen Liwi olokʼicʼ do gulibãṭ lekate onko mukhiyạkoakʼ ńutum do tạlikareye ol caṛhaoletʼtakoa. Ar pạli pạlikate Eliaserren eṭakʼ eṭakʼ bõsko mod khon mitʼ hoṛ ar ona tayom do Ithamorren eṭakʼ eṭakʼ bõsko mod khon mitʼ hoṛ lạgitʼ gulibãṭ hoyena.

1 Bõsbudạ 16:39

Dạud do Gibeon reakʼ koejoṅ oṛakʼre Probhu Isorakʼ ḍera tạmbu samaṅre naeke Sadok ar uni sãoten naekekoe dohoketʼkoa.

1 Bõsbudạ 15:11

Ona tayom Dạud do naeke Sadok ar Ạbiathar ar Liwi Uriạl, Asai, Joyel, Somoyiạ, Eliyel ar Amminadab takoe hohowatʼkoa.

1 Rapajko 2:35

Unre raj do Joab bodolte Jehuyadaren hopon Banae do senaputiye bahalkedea ar Abiạtharakʼ jaegare do Sadoke bahalkedea.

2 Samuel 20:25

Sewa do rajren olokʼicʼ; ar Sadok ar Abiathar do naekekin tahẽkana

1 Samuel 21:1

Ona tayom Dạud do Nob atore naeke Ahimelek ṭhene senena. Unre Ahimelek do botorte thar tharaokʼ tulucʼ Dạud samaṅreye oḍok hecʼena. Uni do Dạude kulikedea, “Cedakʼ eskar do menama? Ar am sãote cedakʼ eṭakʼko do bạnukʼkoa?”

1 Bõsbudạ 24:4

Onate Ethamor bõsren hoṛko khon Eliaser bõsren hoṛko talare ạḍi ḍher mukhiyạko ńamena. Ona iạte Eliaser bõsren gel turui mukhiyạko lạgitʼ onkoren gel turui dolre ar Ethamor bõsren irạl goṭen mukhiyạko lạgitʼ onko do irạl goṭecʼ dolreko hạṭińena.

1 Bõsbudạ 18:16

Unre Ahiṭubren hopon Sadok ar Abiathorren hopon Abimelek do naekekin tahẽkana ar Sobos do rajren olokʼicʼe tahẽkana.

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.