1 Bõsbudạ 24:1 - সান্তালী বাইবেল

¹ Aron bõsren hoṛko do eṭakʼ eṭakʼ dolreko hạṭiń ocolena. Aronren hoponko doko hoyokʼkana Nadab, Abihu, Eliaser ar Ithamor.

1 Bõsbudạ 24:1 Referans Kwoze

Exodus 6:23

Aronren hopon doko hoyokʼ kana Nadab, Abihu, Eleasar ar Ithamar. Aron do Aminadabren hoponera Nahsonren misera Elisebae baplaledea ar uni khonge noko doko janamlena.

1 Bõsbudạ 23:6

Liwiren hopon Gerson, Kohat ar Merariakʼ bõs lekate Dạud do Liwiko pe hạṭińteye hạṭińketʼkoa.

Numeri 26:60

Aronren hoponkoakʼ ńutum do tahẽkana Nadab, Abihu, Eleasar ar Ithamar.

Numeri 3:2

Aronren hoponkoakʼ ńutum do hoyokʼ kana: Nadab, Abihu, Eleasar ar Ithamar. Onko modre Nadab do maraṅicʼe tahẽkana. Onko do naeke menkste sapʼdapʼ kạmi lạgitʼko ojokʼ bahal ocolena.

1 Bõsbudạ 6:3

Omramren hoponko doko hoyokʼkana Haron, Mose ar Mạriạm. Haronren hopon doko hoyokʼkana Nadam, Abihu, Eliaser ar Ethamar.

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

1 Bõsbudạ 28:13

Naeke ar Liwikoakʼ eṭakʼ eṭakʼ dolrenkoakʼ kạmi, Probhu Isorakʼ oṛakʼ reakʼ sekʼwa kạmi ar ona kạmire beoharokʼ sanamakʼ jinisko reaṅ uniye hukumadea.

2 Bõsbudạ 5:11

Ona tayom sanam naekeko do sonot utạrakʼ ṭhạ̃i khonko oḍok hecʼena. Onko do jãhã dolren liwi kangeko, unre jotogeko sapha ocolena. Ar okoe naekeko doko sereńetʼ tahẽkan, metakʼme Asaph, Hemen, Jiduthon ar onkoren hoponko ar onko bõsren hoṛko do mĩhĩ musnạ kicricʼ horokʼkate pinḍ reakʼ purub secʼre teṅgokate kortal, peṛesaṅ, binạ banamko banametʼ tahẽkana. Ar naekeko do tinre bahreteko oḍok hecʼena unre sakwa oroṅko ar sereńko do mitʼdomte mitʼ rạṛte Probhu Isorko mạhimawadea arko sarhaokedea. Sakwa, kortal ar eṭakʼ bajnako sãote onko do ãṭ aṛaṅate Probhu Isor ńutumte niạ sereńko sereńkeda, “Uni doe bhagegea, uniyakʼ daya do jaejug hạbicʼ tahenkana.” Unre Probhu Isorakʼ oṛakʼ do rimilte perecʼena. Ona rimil iạte naekeko do sewa kạmi bako kạmi daṛeada, ente Probhu Isorakʼ ṭhonokte oṛakʼ do perecʼ akan tahẽkana.

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.

2 Bõsbudạ 23:8

Naeke Jehoyada okae hukumketʼ Liwiko ar Jihudạren sae sae cetanren subedarko do onkageko kạmikeda. Subedar do jotoge apan ạpin hoṛko, metakʼme jirạukʼ mãhãre okoe do pạli bodolko hecʼlen ar okoe do kạmi khonko ruạṛ calakʼkan tahẽkan onkoko ạguketʼkoa. Onko dolren okoehõ naeke Jehoyada do chuṭi bae ematʼkoa.

2 Bõsbudạ 31:2

Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.

Esra 6:18

Moseyakʼ puthire cetʼleka olakan onkage Jerusalemre Isorakʼ sewa kạmi lạgitʼ naekeko ar liwiko do judạ judạ dolreko bahal ocoyena.

Numeri 3:4

Menkhan Nadab ar Abihu do sinại hahaṅkarre Probhu Isor ńutumte ạuṛi seṅgelre dhupkin jeretʼletʼte Probhu Isor samaṅrekin gocʼena. Unkinren do cele hoponge bako tahẽkana, menkhan Eleasar ar Ithamar do ạkinren apat Aron sãote naeke lekatekin kạmiyetʼ tahẽkana.

1 Bõsbudạ 6:34

Samuel do Elkanaren hopon, Elkana do Jihoramren hopon, ar Jihoram do Eliyelren hopon, ar Eliyel do Toharren hopon,

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.