1 Bõsbudạ 23:4 - সান্তালী বাইবেল

^4-5 Noko mod khon bargel pon hajar hoṛko do oṛakʼ reakʼ kạmiko ńel todarot lạgitʼe bahalketʼkoa ar turui hajar hoṛko do kạmiyạko ar bikʼcạrko lạgitʼe dohoketʼkoa ar pon hajar hoṛko do rurukhiyạko lạgitʼe dohoketʼkoa. Ar Dạud okako bajnae benaoletʼ onakote Probhu Isor sarhaoe lạgitʼ sarecʼ pon hajar Liwikoe bahalketʼkoa.

1 Bõsbudạ 23:4 Referans Kwoze

2 Bõsbudạ 19:8

Jehosaphat do Jerusalemre hõ Probhu Isor huyạte bikʼcạr reakʼ ray emokʼ lạgitʼ ar jhogṛa jhạṭi miṭ maṭkatako lạgitʼ adom Liwiko, naekeko ar Israel bõsren mathakoe bahalketʼkoa. Raj ar uniren hoṛko do Jerusalemteko ruạṛ hecʼen khan uni do bikʼcạrkoe hukumatʼkoa, “Probhu Isorge botoraepe ar pạtiạr salakʼ goṭa monte kạmipe.

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Nehemiạ 11:22

Jerusalemre Liwikoren sordar do Baniren hopon Usiye tahẽkana. Baniren hapṛamko doko tahẽkana Hasabia, Matani, Mikạ ar Asaph. Asaph bõsren hoṛko do gaenahako lekate Isorakʼ oṛakʼre sapʼdapʼ kạmiko kạmikan tahẽkana.

Nehemiạ 11:9

Sikriren hopon Joel do onkoren sordare tahẽkana ar Hasenuaren hopon Jihudạ do nagraharen dosaricʼ mukhiyại tahẽkana.

1 Bõsbudạ 6:48

Onkoren peṛa eṭakʼ Liwiko do ḍera tạmbu, metakʼme Isorakʼ oṛakʼ reakʼ eṭakʼ sanamakʼ kạmireko bahal ocoakan tahẽkana.

Jeheskel 44:24

“ ‘Jãhãn mambla hoylen khan naekeko do Hạkim reakʼko kạmiya ar ińakʼ hukum lekage onko doko bicạr phanḍaoa. Ar ińiń niṭ akatʼ sanam porobko lạgitʼ onko do ińakʼ ạn-ạri ar niạmko palona ar jirạukʼ mãhãko reakʼ sonottetʼko rukhiyạ dohoya.

2 Bõsbudạ 23:18

Ona tayom Jehoyada do Probhu Isorakʼ oṛakʼ ńel todarot reakʼ bhar do naekekoakʼ tireye jimạkeda. Noko do Liwiko tahẽkana. Noko cetanrege Dạud do Probhu Isorakʼ oṛakʼ reakʼ bhare emleda jemon onko do Dạudakʼ hukum leka rạskạ salakʼ sereń sereńte Moseyakʼ ạn-ạri lekate Probhu Isor ńutumte jeredokʼ samaṅokʼakʼ reakʼ porobko porob daṛeakʼ.

2 Bõsbudạ 34:13

Noko do bojha gogokʼ hoṛko cetanre bahal akanko tahẽkana ar eṭakʼ eṭakʼ kạmiren hoṛko hõko ńel todarotetʼko tahẽkana. Liwiko modre adomko do olokʼko, kạmiyạko ar rurukhiyạkoko tahẽkana.