1 Bõsbudạ 23:26 - সান্তালী বাইবেল

²⁶ Onate sekʼwa kạmire bebohar lạgitʼ ḍera tạmbu se eṭakʼ jãhãn jinis Liwiko do ar gokʼ idi baṅ lagao akoa.”

1 Bõsbudạ 23:26 Referans Kwoze

Numeri 4:5

Ḍera uṭhạukʼre Aron ar uniren hoponko do sekʼwa tạmbu bhitrite bolokate goha sinduk reakʼ dapalakʼ orwal raṛa pheḍkate onate sindukko poṭoma.

Numeri 7:9

Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Numeri 4:49

Probhu Isorakʼ hukum lekage Mose hotete mimitʼko apan ạpin sapʼdapʼ kạmi ar gogokʼ lạgitʼko ṭhik ocoyena. Ar Probhu Isor oka hukume emlen onkage Mose do Liwikoe lekhaketʼkoa.

1 Bõsbudạ 23:27

Dạudakʼ ses reakʼ hukum lekate bargel bochor khon ehopʼkate ona khon ḍher umerren Liwikoakʼ lekhage hoylena.

2 Bõsbudạ 35:3

Liwiko, okoe do sanam Israelkoko cetʼako kan tahẽkan ar Probhu Isor ńutumte okoe doko begar ocolen uni do okoe metatʼkoa, “Israelren raj Dạudren hopon Solomon do okaṭakʼ mundile benaoletʼ tahẽkan onḍe ape do sonotakʼ sindukpe dohokakʼa. Ona do tarenre ar baṅ gokʼ lagaoapea. Ńitokʼ ape do aperen Probhu Isor ar uniren hoṛko sapʼ sorakope.