1 Bõsbudạ 23:25 - সান্তালী বাইবেল

²⁵ Dạude menleda, “Israelren Probhu Isor do acʼren hoṛko suluke emakatʼkoa ar uni do jaejug hạbicʼ Jerusalemreye girobasokʼa.

1 Bõsbudạ 23:25 Referans Kwoze

1 Bõsbudạ 22:18

“Aperen Probhu Isor do cetʼ ape sãote bạnugicʼan? Uni do sanam secʼtege cetʼ sulukte bae dohoakatʼpea? Uni do niạ disạmren hoṛko ińakʼ tireye soprotketʼkote disạm do Probhu Isor ar uniren hoṛko tabere hoyakana.

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Sereńko 135:21

E Probhu Isor, okoe do Jerusalemreye tahenkan, uniyakʼ sarhao do Sion khon hoyokʼma. Probhu Isorakʼge sarhao hoyokʼtae ma.

2 Samuel 7:1

Ona tayom raj do raj oṛakʼre tahene ehopʼena ar Probhu Isor do uni beṛhaeten bạirikoakʼ ti khone rukhiyạkedea.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Sereńko 68:16

E aema cuṛạ reakʼ buru, Isor oka burure acʼakʼ tahen reakʼ jaegae bachao akawan am do cedakʼ hiskạte ona secʼem beṅgetʼ akada? Probhu Isorakʼ jaejug reakʼ tahen ṭhạ̃i ma ona kange coṅ.

Sereńko 9:11

Probhu Isor do Sionre menaea; ape do unige õṛhẽ sereńaepe. Ar uni okae kạmiakatʼ ona do eṭakʼ jạtrenko ṭhen lại sodorpe;

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

1 Rapajko 8:13

Ńitokʼ do am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼge hoyokʼa.”

2 Bõsbudạ 23:18

Ona tayom Jehoyada do Probhu Isorakʼ oṛakʼ ńel todarot reakʼ bhar do naekekoakʼ tireye jimạkeda. Noko do Liwiko tahẽkana. Noko cetanrege Dạud do Probhu Isorakʼ oṛakʼ reakʼ bhare emleda jemon onko do Dạudakʼ hukum leka rạskạ salakʼ sereń sereńte Moseyakʼ ạn-ạri lekate Probhu Isor ńutumte jeredokʼ samaṅokʼakʼ reakʼ porobko porob daṛeakʼ.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”