1 Bõsbudạ 22:5 - সান্তালী বাইবেল

⁵ Dạude menkeda, “Ińren hopon Solomon do umerteye komaogea ar bae gạkhuṛa, menkhan Probhu Isor lạgitʼ okaṭakʼ oṛakʼ benao hoyokʼ ona do sanam jạtren hoṛkoakʼ mẽtʼre ńutumanakʼ, jak jomok ar ṭhonokte perecʼ hoyokʼma. Ona lạgitʼ iń do jotowakʼiń jogaṛ dohokakʼa.” Niạ menkate Dạud do acʼakʼ gujukʼ ạurire aema lekanakʼ jiniskoe jogaṛ dohokada.

1 Bõsbudạ 22:5 Referans Kwoze

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

1 Rapajko 3:7

“E ińren Probhu Isor, ińren ạpuń Dạudakʼ jaegare ńitokʼ do amren guti rajem hoyoco akadea. Menkhan ińakʼ umer do komgea, onate bạń baḍaea cetʼ lekate ińakʼ dạyikiń palona.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Johan 3:30

Uni do maraṅ idikʼtege hoyokʼtaea ar iń do ocogokʼ hoyokʼtińạ.”

Johan 9:4

Okoeye kol akadiń, uniyakʼ do siń tahenrege kạmi hoyokʼ tabona. Ńindạ daraekana unre okoe hõ bako kạmi daṛeakʼa.

Luk 21:5

Celako modren adomko do mundil reaṅko galmarao kan tahẽkana. Onko doko menetʼ tahẽkana, mońj mońj dhiri ar dan reakʼ jiniskote dolan do cetʼleka sajao akana. Unre Jisui metatʼkoa,

Hagae 2:9

Lahateakʼ oṛakʼ reakʼ ṭhonok khon ńitokʼakʼ oṛakʼ reakʼ ṭhonok do arhõ bạ̃ṛti jak jomok hoyokʼa. Noa ṭhạ̃ire iń do bhạlạiyiń ạguiya. Phạdkoren Probhu Isorge noa katha doń meneda.’ ”

Hagae 2:3

‘ape talare nonkan okoe menaea one uni do noa oṛakʼ reakʼ lahateakʼ ṭhonoke ńelakatʼ? Ar ńitokʼ ona do cetʼ lekae ńeleda? Ape do cetʼ bape hudisetʼkana, lahateakʼ khon noa do cetʼge baṅkana mente?’

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.

Jesaea 64:11

Aleren hapṛamko okare amko sarhaoetʼme tahẽkan aleakʼ ona sonot ar ṭhonokanakʼ koejoṅ oṛakʼ do seṅgelte ḍahao marao akana ar amem kusiyakʼkan tahẽkanakʼko do jarkhar akana.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Esra 3:12

Menkhan ḍherkoge tinre rạskạteko andoṛkeda unre okoe do lahateakʼ koejoṅ oṛakʼko ńelletʼ onkan ḍher haṛam naekeko, liwiko ar bõsren mathako do niạ koejoṅ oṛakʼ reakʼ rehetʼ ńelte ạḍi ãṭko rakʼkeda.

2 Bõsbudạ 13:7

Jerobiam do adomko okoḍa ar bhạṅgwạ hoṛko jarwakate Solomonren hopon Rehobiam upạrteye teṅgoyena. Ona jokhecʼ Rehobiam do juạn koṛa ar gạkhuṛ secʼte do komgeye tahẽkana; ar onko teṅgo daramko leka daṛe hõ baṅ tahẽkantaea.

2 Bõsbudạ 7:21

Niạ koejoṅ oṛakʼ do ńitokʼ nunạkʼ maraṅakʼ hoyakanre hõ unre okoe noa aṛeteko parom senokʼ onko do comkao godokʼteko kuliya, ‘Probhu Isor do cedakʼ niạ disạm ar niạ koejoṅ oṛakʼ cetanreye onkakeda?”

2 Bõsbudạ 2:5

“Okaṭakʼ oṛakʼ benao iń menjoṅkan ona do maraṅakʼ hoyokʼa, ente aboren Isor do sanam debotako khon hõe maraṅgea.

1 Rapajko 9:8

Niạ mundil do ńitokʼ maraṅ utạrakʼ hoyakanre hõ unre ona aṛete okoeko parom calakʼ onko do unreko comkao godokʼa ar cigạrikateko mena, ‘Probhu Isor do cedakʼ niạ disạm ar niạ mundil doe nonka ocokeda?’

Kạhtukko 4:3

Iń hõ coṅ iń babaren hoponiń tahẽkan, ar gogowakʼ mẽtʼre do huḍiń ar sadher hopon lekage.

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

2 Bõsbudạ 2:8

Ona chaḍa debdạru, saro kaṭko, rokot condon kaṭko hõ Lebanon khon kolạńme, ente ińiń baḍaea amren hoṛko do onḍenakʼ kaṭ mamakʼ kạmireko gạkhuṛgea. Ińren hoṛko do amren hoṛ sãoteko kạmiya jemon onko do ạḍi utạr kaṭko emdaṛeạń, ente okaṭakʼ iń benao lạgidokʼkan ona do ạḍi maraṅ ar hahaṛawakʼge hoyokʼa.