1 Bõsbudạ 22:2 - সান্তালী বাইবেল

² Etạkʼ jạtren okoeko hoṛ do Israel disạmreko girobasokʼ kan tahẽkan Dạud do onko jarwako lạgitʼe hukumkeda. Onko mod khon uni do dhiri lakʼ rog lạgitʼ hoṛkoe bachaoana jemon onko do Isorakʼ oṛakʼ benao lạgitʼ dhiriko lakʼ rokʼ daṛeakʼ.

1 Bõsbudạ 22:2 Referans Kwoze

2 Bõsbudạ 2:17

Solomon do acʼren apat Dạudakʼ hoṛ lekhako lekage Israelko talareko girobasokʼ kan sanam bidisiạkoe lekha ocoketʼkoa. Onate onkoakʼ lekha do mitʼ lakh mõṛẽgel pe hajar turui sae hoṛko hoyena.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

1 Bõsbudạ 14:1

Tayomte Turren raj Hiram do Dạud ṭhen adom hoṛe kolketʼkoa. Ar onko sãote Dạud lạgitʼ raj oṛakʼ benaoa mente debdạru kaṭko, raj mistriko ar chutạr mistriko hõe kolketʼkoa.

2 Rapajko 12:12

raj-mistriko ar dhiri gegetʼ mistriko mujuri lekateko emakokan tahẽkana. Ona chaḍa Probhu Isorakʼ oṛakʼ jut aroe kạmi lạgitʼ onko do kaṭ ar getʼakʼ dhirikoko kirińetʼ tahẽkana ar ona kạmi lạgitʼ okoeyakʼ oka lagaokʼkan tahẽkan ona lạgitʼko khorocetʼ tahẽkana.

1 Rapajko 6:7

Khạdre okako dhiri lakʼ rokʼkate benao hoylen eken onage ạgukate mundil oṛakʼ benaoreko beoharkeda. Ar mundil oṛakʼ tinreko bekʼnaokan tahẽkana unre onḍe do jãhãn kuṭạsi, se ṭeṅgocʼ se jãhãn mẽṛhẽtʼ reakʼ saḍege baṅ ańjomlena.

2 Samuel 5:11

Turren raj Hiram do Dạud ṭhen adom hoṛe kolketʼkoa ar onko sãote debdạru kaṭko, chutạr mistriko ar raj mistriko hõe kolketʼkoa. Onko do Dạud lạgitʼ mitʼṭen raj oṛakʼko benaokeda.

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

2 Bõsbudạ 2:16

Ale do Lebanon khon amakʼ jạruṛokʼ leka sanam kaṭko makʼkate mitʼ dhaote tolkate doreãore cape ocokate Japho nagraha hạbicʼle idiya. Ar ona tayom do Jerusalemte onakom idi ocokoa.”