1 Bõsbudạ 22:19 - সান্তালী বাইবেল

¹⁹ Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

1 Bõsbudạ 22:19 Referans Kwoze

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

1 Bõsbudạ 16:11

Probhu Isor ar uniyakʼ daṛe bujhạu reakʼ kurumuṭuipe; sanam ghạṛicʼ uni sãote helmelokʼ reakʼ gagoj baṛe dohoype.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

1 Bõsbudạ 22:7

Dạud do Solomone metadea, “E beṭa, ińren Probhu Isor lạgitʼ mitʼṭecʼ oṛakʼ benao reakʼ ạḍi monsubạ tahẽkantińạ.

2 Bõsbudạ 5:7

Ona tayom naekeko do Probhu Isorakʼ bondobos sinduk do niṭ akatʼ ṭhạ̃ire, koejoṅ oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

1 Rapajko 8:6

Ona tayom naekeko do Probhu Isorakʼ bondobos sinduk niṭ akatʼ ṭhạ̃ire, mundil oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

1 Rapajko 8:21

Ar onḍe ona goha tạmbu dohoy reakʼ thạ̃iyiń ṭhik dohoakada one onare Probhu Isorakʼ emakʼ bondobos menakʼ, okaṭakʼ do Misor disạm khon aboren hapṛamkoe oḍok ạguketʼko tayom onko lạgitʼe bandhao akatʼ tahẽkan.”

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniyakʼ ńutum dohayakʼme ar amakʼ joto kạiko ạrupʼ saphaetam.’

2 Bõsbudạ 6:11

Ar onḍe do Probhu Isorakʼ goha sinduk dohoakada one onare Israelko reakʼ bondobos menakʼ.”

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

1 Rapajko 5:3

“Baḍaegeam ińren ạpuń Dạud do beṛhaeten bạiriko tulucʼe lạṛhạikan tahẽkana, ar Probhu Isor do uniren bạiriko ạuriye jaṅga latarko hạbicʼ uni do acʼren Probhu Isor ńutumte jãhãn dewa sewa oṛakʼ bae benao akatʼ tahẽkana.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Daniel 9:3

Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Sereńko 14:2

Probhu Isor do serma khon latarte manwa secʼe beṅgetʼkeda, ar ńeljoṅe menana sạriyakʼ reakʼ ạkilte jãhãeko taṛameda se baṅa, ar Isorakʼ sana leka jãhãeko kạmikana se baṅa.

Jirimiạ 29:13

Ape do ontorte baḍaeyiń reakʼ tinrepe ahkaokʼa unre ińpe baḍae daṛeạńạ.

Exodus 25:8

Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

1 Bõsbudạ 16:10

Uniyakʼ ṭhonoktetʼ reakʼ sarhaotaepe; okoe do Probhu Isorakʼ khạndritetʼ baḍae sanayetʼko onkoakʼ ontor do rạskạkʼtakoma.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

Hagae 1:8

Ape do ńitokʼ burure decʼkate kaṭ ạguiype ar koejoṅ oṛakʼ benaope, jemoniń kusikʼ ar manotiń ńam.