1 Bõsbudạ 22:18 - সান্তালী বাইবেল

¹⁸ “Aperen Probhu Isor do cetʼ ape sãote bạnugicʼan? Uni do sanam secʼtege cetʼ sulukte bae dohoakatʼpea? Uni do niạ disạmren hoṛko ińakʼ tireye soprotketʼkote disạm do Probhu Isor ar uniren hoṛko tabere hoyakana.

1 Bõsbudạ 22:18 Referans Kwoze

1 Bõsbudạ 23:25

Dạude menleda, “Israelren Probhu Isor do acʼren hoṛko suluke emakatʼkoa ar uni do jaejug hạbicʼ Jerusalemreye girobasokʼa.

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

2 Samuel 7:1

Ona tayom raj do raj oṛakʼre tahene ehopʼena ar Probhu Isor do uni beṛhaeten bạirikoakʼ ti khone rukhiyạkedea.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.