1 Bõsbudạ 21:8 - সান্তালী বাইবেল

⁸ Unre Dạud do Isore metadea, “Noa kạmikate in doń ghạṭ akada. Ar ńitokʼ do am ṭheniń nehõrokʼ kana, niạ behokakʼ khon iń amren guti do ikạkạńme baṛe. Iń do lelha hoṛ lekageń kạmi akada.”

1 Bõsbudạ 21:8 Referans Kwoze

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Sereńko 25:11

Ińakʼ bedhorom reakʼ bojha do ḍhergea, onate E Probhu Isor, amakʼ ńutum rukhiyạitam lạgitʼ ińakʼ ona bedhorom baṛe ikạ kạtińme.

2 Bõsbudạ 10:9

Uni do onkoe metatʼkoa, “Hoṛko meneda, ‘amren ạpum okaṭakʼ hamal arãṛe gokʼ akawatʼle ona do ńitokʼ rawal kataleme.’ Niạ babotre apeakʼ sopolha do cetʼ? Abo do cetʼbon roṛ ruạṛakoa? ”

2 Samuel 24:10

Disạm hoṛe lekha ocoketʼko tayom Dạudakʼ mon do sobokʼentaea. Uni do Probhu Isor ṭhen koekateye menkeda, “Noa kạmikate iń doń ghạṭ akada. E Probhu Isor, ńitokʼ do am ṭheniń nehõrokʼ kana, amren gutiyakʼ ghạṭ baṛe ocokʼkakʼme. Iń do lelha hoṛ lekań kạmi akada.”

2 Samuel 13:13

Ińakʼ do cetʼ hoyokʼtińạ? Cekate ińakʼ lajao doń okoetińạ? Ar amhõ Israelko talare mitʼṭen kharap hoṛ menteko baḍaemea. Nehõram kạnạń, am do boroṅ raj ṭhen senkate metaeme; enḍekhan uni do amakʼ tireye jimạyińạ.”

1 Samuel 26:21

Unre Sạule menkeda, “Aliń doliń kại akada. E jãwãe, aben do dela ruạṛ hijukʼ ben. Teheń ạlińakʼ jiwi do aben ṭhen ạḍi damakʼge tahẽkana; ạliń do abenakʼ loksan reakʼ ar bạliń kurumuṭuya. Sạrige noa maraṅ behok iạte lelha leka liń kạmi akada.”

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.

Genesis 34:7

Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

1 Bõsbudạ 21:7

Niạ hukum do Isorakʼ mẽtʼre hõ bạṛicʼakʼge tahẽkana; onate uni do Israel jạtrenkoe sạjạiketʼkoa.