1 Bõsbudạ 21:5 - সান্তালী বাইবেল

⁵ Ar okoe do tarwaṛeko calao daṛeakʼ onkoakʼ lekha do Dạude baḍae ocokedea. Onakoakʼ lekha do goṭa Israelko talare gelmitʼ lakh ar Jihudạren do pon lakh eaegel hajar hoṛko tahẽkana.

1 Bõsbudạ 21:5 Referans Kwoze

2 Samuel 24:9

Joab do raj ṭhen hoṛkoakʼ lekhae emkeda. Onate ńelena, tarwaṛeko calao daṛeakʼ nonkan hoṛ Israelren irạl lakh ar Jihudạren do mõṛẽ lakh hoṛko tahẽkana.

1 Bõsbudạ 27:23

Dạud do bargel se ona khon kom umerren hoṛ do bae lekhaletʼkoa, ente Probhu Isor do Israelkoakʼ lekha sermaren ipil lekae hoyocokoa menteye gokʼletʼ tahẽkana.

1 Bõsbudạ 21:4

Menkhan rajakʼ hukum do Joab ṭhen onage tahẽyena; onate Joab do senkate goṭa Israel disạme dãṛã ạcurketʼte Jerusalemteye ruạṛ hecʼena.

1 Bõsbudạ 27:24

Seruya hopon Joab do hoṛ lekhae ehopʼletʼgea, menkhan uni do bae sạt daṛeada. Ar hoṛ lekha khạtirte Israelko cetanre Probhu Isorakʼ edre do paṛaolena. Ona iạte Dạud rajakʼ itihãs puthire hoṛkoakʼ jãhãn gunti do baṅ ol akana.