1 Bõsbudạ 21:30 - সান্তালী বাইবেল

³⁰ Menkhan Probhu Isorren goḍetakʼ tarwaṛe botorte Dạud do Isorakʼ sana baḍae lạgitʼ ona pinḍ samaṅre bae sen daṛeada.

1 Bõsbudạ 21:30 Referans Kwoze

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Jobakʼ 23:15

Onate uni samaṅre iń do ạḍiń botorokʼa; noakoń hudisle khange uni doń botoraea.

Jobakʼ 21:6

Niạko kathań hudisle khan botor rakapʼạń kana; ar hoṛmo do thar tharaokʼ kantińạ.

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

1 Bõsbudạ 13:12

Enhilokʼ Dạud do Probhu Isor ạḍiye botoradea. Uniye menkeda, “Probhu Isorakʼ sinduk do enḍekhan cekate iń ṭhen ạgukʼa?”

2 Samuel 6:9

Enhilokʼ Dạud do Probhu Isor ạḍiye botoradea. Uniye menkeda, “Probhu Isorakʼ sinduk do enḍekhan cekate iń ṭhen ạgukʼa?”

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

1 Bõsbudạ 21:29

Hahaṅkarre Mose do Probhu Isor lạgitʼ oka ḍera tạmbui benaoletʼ ona ar jeredokʼ samaṅokʼakʼ pinḍ do ona jokhecʼ Gibeon reakʼ koejoṅ oṛakʼre tahẽkana.

1 Bõsbudạ 22:1

Inạ tayom Dạude menkeda, “Probhu Isorakʼ oṛakʼ ar Israelkoakʼ jeredokʼ samaṅokʼ reakʼ pinḍ do nonḍege hoyokʼa.”