1 Bõsbudạ 21:3 - সান্তালী বাইবেল

³ Menkhan Joab doe roṛ ruạṛkeda, “Probhu Isor do jemon acʼren hoṛko mitʼsae doboṛe saṅge ocoko. E ińren kisạ̃ṛ maharaj, noko sanamkoge cetʼ amren guti doko baṅkana? Enḍekhan cedakʼ ińren Probhu Isor do niạ kạmi lạgitʼe khojkana? Ar cedakʼ baṅ am iạte goṭa Israel jạtrenko dusiko hoyokʼ?”

1 Bõsbudạ 21:3 Referans Kwoze

Dosar Biboron 1:11

Aperen hapṛamkoren Probhu Isor do arhõ hajar doboṛe saṅge ocopema ar acʼakʼ gokʼakʼ lekageye bhorape ma.

Jesaea 48:19

Ona chaḍa aperen bõsko do gitil lekako hoyokʼa ar aperen gidrạko do lemeń gitil leka alekhako hoyokʼa. Onkoakʼ ńutum do iń samaṅ khon tishõ baṅ getʼ giḍikʼtakoa se tis hõ baṅ mohor meṭaokʼa.”

Jesaea 26:15

E Probhu Isor, am do onko jạtrenkom baḍhao akatʼkoa; ar onko jạtrenkom baḍhao akatʼkote sarhaoem ńamakada; am do disạm reakʼ sanam simạkom phaelao akada.

Kạhtukko 14:28

Porjako saṅgelen khan rajakʼ do ṭhonok hoyokʼa, menkhan kạmiạko begor mạlikakʼ do jarkharaokʼge.

Sereńko 115:14

Probhu Isorge ape ar aperen hoponkoakʼ bõskoe saṅge ocoya.

1 Bõsbudạ 19:13

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ ar dela abo do dil salakʼ bon lạṛhạilenge. Probhu Isorakʼ mẽtʼre oka bhageakʼ kan onage uni doe kạmi ma.”

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Samuel 2:24

E bạbu, Probhu Isorren hoṛko oka kathako roroṛkaniń ańjometʼko ona do baṅ bhagea.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Genesis 20:9

Unre Abimelek do Abraham hohoadeteye metadea, “Am do ale tulucʼ noa do cetʼlekam beoharkeda? Iń do am ṭhen cetʼ iń dos akatʼte iń ar ińakʼ rajosṭire nunạkʼ maraṅ kại reakʼ dayirem paṛao akadińạ? Nonka beohar do lek baṅ tahẽkantama.”

1 Bõsbudạ 21:4

Menkhan rajakʼ hukum do Joab ṭhen onage tahẽyena; onate Joab do senkate goṭa Israel disạme dãṛã ạcurketʼte Jerusalemteye ruạṛ hecʼena.

Exodus 30:12

“Israelren hoṛkoakʼ lekha baḍae lạgitʼ tinre hoṛ-lekha hoyokʼa unre mitʼke mitʼ hoṛ do rupạte jiwi reakʼ dam Probhu Isor emae hoyokʼtakoa. Onate hoṛ lekha khạtirte oka muhinre paṛaokʼ reakʼ katha ona do onkore baṅ hijukʼa.

Josuạ 22:15

Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,

2 Rapajko 12:7

Ona iạte Joas do Jehoyada ar eṭakʼ naekeko hohoatʼkoteye kuliyana, “Koejoṅ oṛakʼ do cedakʼ bape jut aroyeda? Hoṛko ṭhen khon ṭaka hataokate ape ṭhen do alope dohokakʼ bickom koejoṅ oṛakʼ jut aroe lạgitʼ emokʼpe.”