1 Bõsbudạ 21:26 - সান্তালী বাইবেল

²⁶ Dạud do onḍe Probhu Isor ńutumte mitʼṭecʼ pinḍe benaokeda ar jeredokʼ samaṅokʼakʼ ar sulukren samaṅokʼakʼe samaṅkeda. Uni do Probhu Isor ṭhene nehõrena ar Probhu Isor do jeredokʼ samaṅokʼakʼ pinḍ cetanre serma khon seṅgele kolkeda.

1 Bõsbudạ 21:26 Referans Kwoze

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Bikʼcạrko 6:21

Unre Probhu Isorren goḍetakʼ tire okaṭakʼ ṭheṅga tahẽkan ona reakʼ agalte ona jel ar bin khạmiyanakʼ piṭhạye ṭunḍukeda. Onate dhiri khon seṅgel rakapʼente jel ar piṭhạye atarkeda, Ar Probhu Isorren goḍet doe chanena.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

1 Rapajko 18:38

Unre coṭ khon Probhu Isorakʼ seṅgel do pheḍ hecʼente samaṅakʼ jelko, sahanko, dhiriko ar hasakoe jomkeda ar nala reakʼ dakʼ hõe jal ańjetʼkeda.

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Sereńko 99:9

Ona iạte aboren Probhu Isor baṛe sarhaoepe; uniyakʼ sonot buru samaṅre ḍobokʼaepe, ente aboren Probhu Isor doe sonotgea.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Sereńko 51:15

E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

2 Bõsbudạ 7:1

Solomonakʼ koejoṅ mucạtʼen são sãote serma khon seṅgel do pheḍ hecʼente jeredokʼ samaṅokʼakʼ ar eṭakʼ eṭakʼ samaṅokʼakʼ jotowakʼ jiniskoe atarkeda ar koejoṅ oṛakʼ do Probhu Isorakʼ ṭhonokte perecʼena.

2 Bõsbudạ 3:1

Solomon do Jerusalem reakʼ Mạriạ burure Probhu Isorakʼ oṛakʼ benao lạgitʼe ehopʼena. Niạ bururege Jibusiạ Arownakʼ khạrạire Probhu Isor do uniren apat Dạud ṭhene ńel ocolena. Ar Dạud do niạ ṭhạ̃ige koejoṅ oṛakʼ lạgitʼe ṭhik dohoakatʼ tahẽkana.

1 Rapajko 18:24

Ona tayom onko do akoren debotako hohoaea ar iń hõ Probhu Isoriń hohoaea. Ar jãhãege seṅgelteye roṛ ruạṛ abon uni kangeae Isor do.” Niạ katha ańjomkate sanamkoko menkeda, “Am do bhagegem menakada.”

Bikʼcạrko 13:20

Seṅgel reakʼ lepʼ tinre pinḍ khon cetante serma secʼ rakabokʼkan tahẽkana unre Probhu Isorren goḍet do ona lepʼ seṅgelte coṭteye rakapʼ calaoena. Ar noa ńelte Manoho ar uniren bạhuttetʼ do otrekin ombakʼ hapeyena,

1 Bõsbudạ 21:27

Inạ tayom Probhu Isor do uni serma goḍete hukumadea ar uni do acʼakʼ tarwaṛeye bhorao ruạṛkeda.

Numeri 16:50

Mahamạri thiren khan Aron do ńapamokʼ tạmbu reakʼ duạrre Mose ṭhene ruạṛ calaoena.