1 Bõsbudạ 21:22 - সান্তালী বাইবেল

²² Dạud do uniye metadea, “Amakʼ noa khạrại do iń imạńme. Iń do do nonḍe Probhu Isor ńutumte mitʼṭecʼ pinḍ iń benaoa jemon hoṛkore oka mahamạri hoyokʼkan ona do thirokʼ. Ar purạ damtege ona do iń ṭhen ạkhrińme.”

1 Bõsbudạ 21:22 Referans Kwoze

1 Rapajko 21:2

Ahab do Nabate metadea, “Amakʼ darkha bagwan imạńme ona do sobji bagwaniń benaoa, ente ona do ińakʼ raj doṅgol aṛerege menakʼa. Ona bodolte iń do arhõ bhage darkha bagwaniń emama arem menkhan ona reakʼ ṭhik dam hõń emama.”

2 Samuel 24:21

Arownae menkeda, “Ińren mạlik maharaj do acʼren guti ṭhen cetʼ lạgitʼe hecʼakana?” Dạude roṛ ruạṛkeda, “Probhu Isor ńutumte mitʼṭecʼ pinḍ benao lạgitʼte iń do amakʼ khạrại kirińiń menjoṅkana, jemon hoṛko cetanre hecʼakan mahamạri thirokʼ.”

Numeri 16:48

Uni do jiwetʼko ar gocʼko talare senkateye teṅgoyena ar mahamạri do thirena.

Genesis 50:10

Onko do jordan gaḍa aṛe reakʼ Atadkoakʼ khạrại hạbicʼko senena ar Joseph do apattetʼ lạgitʼ eae din hạbicʼe homor halaṅkeda. Ar uni sãote hoṛko hõko homor halaṅkeda.

1 Bõsbudạ 21:21

Dạud doe sen laha idiyen khan Arowna do khạrại bạgikate uni samaṅre senkate otre ombakʼkateye ḍobokʼadea.

1 Bõsbudạ 21:23

Arowna do Dạude metadea, “Ma ona do amge hataome. Ińren maharaj oka bhageye hudisetʼkan onage baṛeye onkaema. Ńelme, jeredokʼ samaṅokʼakʼ lạgitʼ iń do ińren ḍaṅgrakoń emokʼkana, ar sahan lạgitʼ do lelenakʼ kaṭ ar anaj samaṅokʼakʼ lạgitʼ do guhumiń emokʼkana. Iń do noa sanamakʼge amiń emam kana.”