1 Bõsbudạ 21:17 - সান্তালী বাইবেল

¹⁷ Unre Dạud do Isore metadea, “Hoṛko lekhako reakʼ hukum do cetʼ ińge bạń emakada? Kại do ińgeń kại akada, ar behokakʼ hõ ińgeń behok akada. Noko ma eken bhiḍi leka, noko do cetʼko ceka akatʼte? E Probhu, ińren Isor, amakʼ ti do iń ar ińakʼ gharońjrenko cetanre baṛe rakabtam, menkhan hoṛko cetanre niạ mahamạri do alo baṛe paṛaokʼma.”

1 Bõsbudạ 21:17 Referans Kwoze

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae orom akada. Enḍekhan boeha lạgitʼ apnar jiwi emokʼ aboakʼ hõ lek kan tabona.

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Sereńko 44:11

Samaṅe lạgitʼ tiyạkʼ idiye bhiḍi leka onkoakʼ tire am dom aṛakʼ akatʼlea ar eṭakʼ eṭakʼ jạtrenko talarem chirchạtur akatʼlea.

1 Bõsbudạ 21:8

Unre Dạud do Isore metadea, “Noa kạmikate in doń ghạṭ akada. Ar ńitokʼ do am ṭheniń nehõrokʼ kana, niạ behokakʼ khon iń amren guti do ikạkạńme baṛe. Iń do lelha hoṛ lekageń kạmi akada.”

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

2 Samuel 24:17

Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

Josuạ 22:18

ar ńitokʼ arhõ ape do Probhu Isorakʼ hor khon ghańjeṛokʼpe meneda? Teheń Probhu Isor upạrtepe hul enḍekhan gapage uni do aboakʼ goṭa Israel manḍerko cetanre edreye sodortaea.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Genesis 44:33

Onate hujur, dayakate uni bodolte ińge golam lekate dohoyińme, ar nui koṛa do boehako sãote ruạṛ calao ocoaeme.

Jona 1:12

Jonae roṛ ruạṛkeda, “Doreãore giḍikạńpe enḍekhan jalapuri do ḍelḍel thirokʼa. Ińiń baḍaea, ińakʼ dos iạtege noa birbão hoe do apere paṛao akana.”