1 Bõsbudạ 21:16 - সান্তালী বাইবেল

¹⁶ Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

1 Bõsbudạ 21:16 Referans Kwoze

Numeri 14:5

Niạ obosta ńelte Mose ar Aron do Israelren goṭa dolrenko samaṅre otre kin taberena.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Rapajko 19:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaea ar gõṛẽ kicricʼe horokʼketʼte Probhu Isorakʼ oṛakʼteye boloyena.

2 Rapajko 6:17

Ona tayom Elisae doe koekeda, “E Probhu Isor, uniyakʼ mẽtʼ baṛe jhicʼkatae me jemone ńeńel.” Unre Probhu Isor do uni gutiyakʼ mẽtʼe jhicʼketʼaea. Uni doe ńelkeda Elisae beṛhaeteakʼ burure do seṅgel reakʼ rãt gạḍi ar sadomkote perecʼgea.

Numeri 22:31

Inạ tayom Probhu Isor do Biliamakʼ mẽtʼe jhicʼketʼtaea ar Probhu Isorren goḍet do tire tarwaṛeante horre teṅgo akane ńelkedea. Ar onate uni doe ombakʼena ar otreye taberena.

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Genesis 3:24

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

Bikʼcạrko 13:20

Seṅgel reakʼ lepʼ tinre pinḍ khon cetante serma secʼ rakabokʼkan tahẽkana unre Probhu Isorren goḍet do ona lepʼ seṅgelte coṭteye rakapʼ calaoena. Ar noa ńelte Manoho ar uniren bạhuttetʼ do otrekin ombakʼ hapeyena,

Jeheskel 9:8

Unre iń do mundilre eskargeń tahẽkana. Ar ona jokhecʼ iń do ombakʼkateń menkeda, “Hae, Probhu Isor! Jerusalem cetanre amakʼ edrem dulte cetʼ Israelren sarecʼ sanam hoṛkom marao giḍikoa?”

Jeheskel 30:25

Iń do Babel rajakʼ tire daṛeń emaea menkhan Pharaoakʼ sopo do ńurokʼtaea. Ar ińakʼ tarwaṛe tinre Babel rajiń calaea ar uni do Misor upạrte onae calaoa unre sanamgeko baḍae daṛeakʼa, ińkangeạń Probhu Isor do.

Numeri 22:23

Gadha eṅga do Probhu Isorren goḍet tarwaṛe sapʼkate teṅgo akane ńelkede khan hor bạgikate eṭakʼ secʼe pheḍena. Ar Biliam do gadha eṅga arhõ horte calakʼ lạgitʼe dalkedea.