1 Bõsbudạ 21:13 - সান্তালী বাইবেল

¹³ Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ, ona khon boroṅ Probhu Isorakʼ tiregeń paṛaokʼma, ente uniyakʼ daya do asambheṛgetaea.”

1 Bõsbudạ 21:13 Referans Kwoze

Sereńko 130:7

E Israel, Probhu Isorre as dohojoṅme, ente Probhu Isor ṭhen do asambheṛ dulạṛ menakʼa, ar chaḍao reakʼ hõ ḍher ektiạri menakʼtaea.

Ibriko 10:31

Jiwetʼ Isorakʼ tire paṛaokʼ do ạḍi botoranakʼ kangea.

Philipiko lạgitʼ Pạul apostolakʼ ciṭhi 1:23

Banarge iń doe oreń kana. Iń do gujukʼte Mạsi tulucʼ tahen sanań kana, ente ona do artetʼge bhagea.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Kạhtukko 12:10

Dhorom hoṛ do acʼren janwarkoe jotonkoa, menkhan bedhoromkoakʼ daya do bạnukʼa.

Sereńko 130:4

Menkhan am ṭhen do ikạ menakʼa, jemon hoṛko botoram.

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.

Sereńko 103:8

Probhu Isor do daya are mãyãwạnicʼ kana; uni do usạrate bae edre hodokʼa, uniyakʼ daya do asambheṛgetaea.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Sereńko 69:16

E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Ester 4:11

“Rajren sanam kạmiyạko ar raj tabe disạmren sanam hoṛko baḍaea je, jãhãe herel se maejiuge rajakʼ hukum begorte bhitrite raj ṭhene senokʼ enḍekhan uni lạgitʼ do mitʼṭecʼ ạnge menakʼa- ona do uniyakʼ gujukʼ. Tobe okoe hoṛ secʼ raj do acʼakʼ sona ṭheṅgae ạwiltae eken unige jiwetʼe tahena. Menkhan pegel din hoyokʼkana raj ṭhen calakʼ lạgitʼ iń do bạń hoho ocoakana.”

2 Bõsbudạ 28:9

Probhu Isorren Oded ńutuman mitʼṭen nạbi do Samariạreye tahẽkana. Uni do lạṛhại phạdko tinre Samariạteko ruạṛ hecʼena unre onko sãote ńapamenteye menkeda, “Aperen hapṛamkoren Probhu Isor do Jihudạ upạrteye raṅgaoente onko do apeakʼ tireye jimạketʼkoa. Menkhan raṅgao khạtirte cetʼlekape gocʼketʼko ona katha do serma hạbicʼ seṭer akana.

2 Rapajko 7:4

Ar bon men nagrahate do babo calakʼa onḍe do akal hoyokʼkana arbo gujukʼa. Ar nonḍe tahenrehõ bon gujukʼa. Ona khon bickom dela, abon do Aramrenkoakʼ ḍerate senkate onkoakʼ tire bon soprotokʼa. Onko jiwetʼko dohole bon khan ma bogege arko gocʼ bon khan mabon gujukʼge.”

2 Rapajko 6:15

Dosar hilokʼ ạḍi setakʼre Isorren hoṛren guti do beretʼkate bahreteye senen khane ńelkeda sadomko ar rãt gạḍikoante mitʼ dol lạṛhại phạdko do nagrahako gherao ạcur akada. Unre uni guti doe menkeda, “Hae, hae! E ińren mạlik, alaṅ do cetʼ laṅ cekaea?”

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”

Rak̕joṅ 3:32

Uni do duke emokʼrehõ enhõ uniyakʼ asambheṛ daya iạteye mãyãkʼgea,

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Sereńko 119:156

E Probhu Isor, amakʼ mãyã do bạ̃ṛtigea; amakʼ ạn ạriko leka nãwã daṛe baṛe danạńme.