1 Bõsbudạ 21:12 - সান্তালী বাইবেল

¹² Pe bochor hạbicʼ akal, se amren bạiriko ṭhen bhagaokate onko samaṅ khon pe cando hạbicʼ ńir baṛae, se pe mãhã hạbicʼ Probhu Isorakʼ tarwaṛe, metakʼme disạm cetanre mahamạri. Ona pe din Probhu Isorren goḍet do Israel reakʼ sanam jaegare ḍahao marao reakʼe kạmiya. Ado ńitokʼ hudiskate lạiyạńme, okoe ińe kolakadiń uni do cetʼ iń roṛ ruạṛaea?”

1 Bõsbudạ 21:12 Referans Kwoze

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Luk 4:25

Eliại tahẽkan oktere pe bochor turui cando bae dakʼleda ar goṭa disạmre maraṅ akal hoylena, unre Israel disạmre ạḍi utạr rạnḍi maejiuko tahẽkana.

Rak̕joṅ 4:9

Akalte gujukʼ khon tarwaṛete gujukʼge bhagea; ińren hoṛko do khet reakʼ phosol ṭonṭate reṅgecʼ jalateko ạsitʼ cabakʼkana.

Jirimiạ 47:6

Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’

Jirimiạ 42:16

enḍekhan okaṭakʼ lạṛhạipe botorakʼ kan ona do ape tayomtege Misorteye pańja idipea ar ape do onḍegepe gujukʼa.

Jirimiạ 12:12

Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Sereńko 91:6

bam botorakʼ kana ńindạ reakʼ mahamạri do se tikin jokhecʼ reakʼ jarkharakʼko hõ.

2 Rapajko 19:35

Enhilokʼ ńindạ Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Dosar hilokʼ setakʼre hoṛko do tinreko beretʼena unre sanam jaegare mạ̃ṛĩko ńelkeda.

2 Rapajko 8:1

Elisae do okoeṭakʼ maejiuren hopone jiwetʼlede uni maejiue metadea, “Am do amakʼ gharońjrenko tulucʼ jãhãregem daṛeakʼ onḍege thoṛa din lạgitʼ tahẽ hataṛokʼme, ente Probhu Isor do niạ disạmre akale kola, ar eae bochor hạbicʼ ona akal do tahena.”

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Dosar Biboron 28:35

Probhu Isorge apeakʼ gunṭhikore, jaṅgakore ar jaṅga reakʼ talka khon bohokʼ hạbicʼ bis-phoṛakoteye ńẽtʼpea ar ona do tisge baṅ bogekʼtapea. Ona bis-phoṛa do jaṅga talka khon bohokʼ hạbicʼ sanam jaegarege hoyokʼa.

Dosar Biboron 28:27

Probhu Isor do Misor disạm reakʼ ojo, ganḍ, dạd ar khasrakoteye ńẽtʼpea ar onako khon celege bako boge daṛeapea.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.

Dosar Biboron 28:15

“Menkhan aperen Probhu Isorakʼ katha bape ańjomtae ar teheńakʼ noako hukum ar niạmko joton salakʼ bape manao ar ganao, enḍekhan noako sarap do ape cetanrege paṛaokʼa ar ape sãorege tahena;

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Levitikus 26:10

Nãwã anaj dohoy lạgitʼ murạikoko khạliy jokhecʼ hõ laha bochor reakʼ anaj khonge apeakʼ jomakʼ do hoyokʼa.

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

1 Bõsbudạ 21:11

Unre Gad do Dạud ṭhen senkateye menkeda, “Probhu Isor do niạko mod khon mitʼṭecʼ bachao hatao joṅe menakatʼmea.