1 Bõsbudạ 20:5 - সান্তালী বাইবেল

⁵ Philisṭiko sãote ar mitʼṭecʼ lạṛhạire Jayirren hopon Elkana do Gat Goliạtren hopon Lohime gocʼkedea. Uniyakʼ borlom do kicricʼ teteńkoakʼ bimleka tahẽkana.

1 Bõsbudạ 20:5 Referans Kwoze

2 Samuel 21:19

Gobre Philisṭiko sãote ar mitʼṭecʼ lạṛhạire Betlehemren Jare-oregim hopon Elhanan do Gatren Goliate gocʼkedea. Nui Goliạtakʼ borlom do kicricʼ teteńkoakʼ tur leka tahẽkana.

1 Samuel 22:10

Ar Ahimelek do uni reaṅ Probhu Isorakʼ sana do cetʼ kana mente onae kuliyana. Uni do jomakʼ hõe emadea ar Philisṭi Goliạtakʼ tarwaṛe hõe emadea.”

1 Samuel 21:9

Naekeye menkeda, “Ela buru nalare Philisṭikoren okoe Goliạtem gocʼlede uniyakʼ tarwaṛe menakʼa. Ona do kicricʼte bedhao akatʼ ehpod danaṅre aka doho menakʼa. Am do onam hatao daṛeakʼa. Ona chaḍa ar jãhãn tarwaṛe nonḍe do bạnukʼa.” Dạude menkeda, “Ona lekan tarwaṛe ar jãhãre menakʼa? Menakʼ khan ona hõ imạńme.”

1 Samuel 17:7

Uniyakʼ borlom ṭheṅga do kicricʼ teteńkoakʼ turleka tahẽkana ar ona coelo mẽṛhẽtʼ reakʼ hamal do eae keji barsae tahẽkana. Ar uniyakʼ ḍhal asenicʼ do uni laha lahateye calakʼkan tahẽkana.

1 Samuel 17:4

Philisṭiren Guliạt ńutuman mitʼṭen birbanṭa hoṛ do onkoakʼ lạṛhại phạd khone oḍok hecʼena. Uni do Gat nagraharen hoṛe tahẽkana. Uni do usulte turui moka talae tahẽkana.

1 Bõsbudạ 11:23

Arhõ uni do misrikoren mitʼṭen hoṛ okoe do eae moka usule tahẽkan uni hõe gocʼledea. Unre uni misri hoṛakʼ tire do tãt reakʼ bim leka mitʼṭecʼ borlom tahẽkana, menkhan uni hoṛ do enhõ mitʼṭecʼ ṭheṅgawante uni misri secʼe laha idilena. Ar uni misri hoṛakʼ ti khon borlom recʼkate ona borlomtege uniye gocʼkedea.

1 Bõsbudạ 20:6

Gatre ar mitʼṭecʼ lạṛhại hoylena. Ona lạṛhạire mitʼṭen usul hoṛe tahẽkana one uniyakʼ banar ti ar banar jaṅgare turui goṭecʼkate bargel pon goṭecʼ kạṭupʼ tahẽkantae. Uni hõ mitʼṭen Rophayiạ hoṛe tahẽkana.