1 Bõsbudạ 20:3 - সান্তালী বাইবেল

³ Uni do nagraharen hoṛkoe oḍok ạguketʼkoa ar koratte, khontate ar ṭeṅgocʼteye makʼ paṛakʼketʼkoa. Uni do Amonrenkoakʼ joto nagrahako hõe onkakeda. Inạ tayom Dạud do acʼren sanam lạṛhại phạdante Jerusalemteye ruạṛ calaoena.

1 Bõsbudạ 20:3 Referans Kwoze

2 Samuel 12:31

Uni do nagraharen hoṛkoe oḍok idiketʼkoa ar ạri, mẽṛhẽtʼ, kuḍi ar ṭeṅgocʼkoteye kạmi ocoketʼkoa. Uni do iṭạ bhaṭare kạmireye lagaoketʼkoa. Amonrenkoakʼ sanam nagrahare uni do onkageye kạmi ocokeda. Inạ tayom Dạud do acʼren lạṛhại phạdkoante Jerusalemteye ruạṛ hecʼena.

Josuạ 9:23

Onate ape cetanre niạ sarap tahẽyena, ińren Isorakʼ oṛakʼ lạgitʼ sahan mamakʼ ar dakʼ ạgui reakʼ kạmipe kạmiya. Niạ golam reakʼ kạmi khon do ar tisge rehae bape ńama.”

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Ibriko 11:37

Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.