1 Bõsbudạ 2:50 - সান্তালী বাইবেল

⁵⁰ Niạge hoyena Kalebakʼ bõs reakʼ katha: Ephratharen maraṅicʼ hopontetʼ Hurren hopon doko hoyokʼkana Sobal, Solom ar Hareph. Sobal do Kiriat-Jiarim ńutuman mitʼṭecʼ atoye benao rakapʼleda;

1 Bõsbudạ 2:50 Referans Kwoze

1 Bõsbudạ 4:4

Pạnuelren hopon Gador ar Esorren hopon do Hus. Nukin banar do Ephratharen maraṅicʼ hopon Hur bõsren hoṛkin tahẽkana. Ar Hur do Bethlehem atoye benao rakapʼleda.

1 Samuel 7:1

Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.

Josuạ 15:60

Kiriat-Bakʼal, metakʼme Kiriat-Jearim ar Raba. Niạ barea nagraha ar ona aḍepase reakʼ atokoko ńamleda.

Josuạ 15:9

Ona tayom simạna do buru cetan khon Nephto reakʼ dakʼ jharna secʼ calao idiyena. Onḍe khon Ephron buru reakʼ atoko sorte oḍok senkate Bala secʼ, metakʼme Kiriat-Jearim secʼ pheḍ hecʼena.

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

1 Bõsbudạ 2:51

Ar Solom do Bethlehem atoe benaoleda ar Hareph doe benaoleda Beth-Gader ato.

1 Bõsbudạ 4:1

Jihudạ bõsren hoṛko doko hoyokʼkana Peres, Hisron, Kormi, Hur ar Sobal.