1 Bõsbudạ 2:22 - সান্তালী বাইবেল

^22-23 Sogubren hopontetʼakʼ ńutum do Jayir. Ar Sogub ar Jayir do Gileadren apattetʼ Maker bõsren hoṛe tahẽkana. Gilead ṭoṭhare Jayirakʼ tabere bargel pe goṭecʼ ato tahẽkana. Menkhan Gesur ar Aram do hecʼkate Hobbot Jayir, Konat ar ona aḍepase reakʼ atoko, metakʼme turuigel atokin ạidạriyana.

1 Bõsbudạ 2:22 Referans Kwoze

Dosar Biboron 3:14

Manase hopon Jayir do Gesuri ar Makathikoakʼ simạna hạbicʼ goṭa Argob ṭoṭha dokholkate apnarakʼ ńutum lekaye dohokeda. Onate ńitokʼ Bason do Habot-Jayirko metakʼkana.

Numeri 32:41

Jayer ńutuman Manaseren mitʼ bõsren hoṛ do senkate Amorikoakʼ atoko dokhol akatʼ tahẽkana ar onako reakʼ ńutum do Habot Jayerko dohokeda.

1 Bõsbudạ 2:21

Tayomte Hesron do turuigel bochor umerre Makerren hoponera, metakʼme Gileadren miserae baplakedete uni ṭhene boloyena. Ar uni bạhuttetʼakʼ kukhire do Sogube janamena.

Numeri 32:40

Onate Mose do Manase bõsren Makeriko lạgitʼ do Gileade ematʼkoa. Ar onko do onḍe tahenko ehopʼena.

Dosar Biboron 3:15

“Ar Makir do Gilead ṭoṭhań emadea.